სახელმწიფო დეპარტამენტის, USAID-ის წარმომადგენლები „აგენტების“ შესახებ კანონპროექტს ეხმიანებიან

აშშ-ის სახელმწიფო დეპარტამენტის პრესსპიკერმა, ნედ პრაისმა 2 მარტს გამართულ ბრიფინგზე კიდევ ერთხელ გამოხატა შეშფოთება უმრავლესობის მიერ მხარდაჭერილ „უცხოეთის აგენტების“ შესახებ რუსული ტიპის კანონპროექტებზე.

პრაისმა განაცხადა, რომ ინიციატივები არ შეესაბამება ქართველი ხალხის მისწრაფებებს და, შესაძლოა, საფრთხე შეუქმნას ქვეყნის ევრო-ატლანტიკურ მომავალს. მან ხაზი გაუსვა, რომ კანონი სტიგმატიზებას გაუკეთებს და გააჩუმებს დამოუკიდებელ ხმებსა და საქართველოს მოქალაქეებს, რომლებიც უკეთესი ქვეყნის შენებისკენ ისწრაფვიან. პრესსპიკერმა ასევე განმარტა, რომ ქართული კანონპროექტი განსხვავდება ამერიკული კანონისგან, რომელიც მხოლოდ უცხო ქვეყნების აგენტებს ეხება.

„ჩვენი პოზიცია მარტივია და ეს მოსაზრება საჯაროდაც გავაჟღერეთ და კერძო საუბრებშიც. ნებისმიერი პირი, ვინც მხარს დაუჭერს კანონპროექტს, პასუხისმგებელი იქნება საქართველოს ევრო-ატლანტიკური მომავლისთვის საფრთხის შექმნაზე“, – დასძინა ნედ პრაისმა.

აშშ-ის საერთაშორისო განვითარების სააგენტოს (USAID) ხელმძღვანელმა სამანტა პაუერმა „აგენტების“ შესახებ კანონპროექტზებზე შეშფოთება Twitter-ზე გამოხატა და განაცხადა, რომ ორივე კანონპროექტი სერიოზულ საფრთხეს უქმნის საქართველოს ევრო-ატლანტიკურ მომავალს და, შესაძლოა, შეაფერხოს ქართველების შესაძლებლობა, რომ თავიანთ ეკონომიკურ, სოციალურ და სხვა მისწრაფებებს მიაღწიონ. პაუერმა მოუწოდა საქართველოს პარლამენტს, რომ არ მიიღოს ისინი.

Georgia’s proposed foreign agent laws gravely threaten Georgia’s Euro-Atlantic future and the ability of Georgians to fulfill their own economic, social, and other aspirations. I call upon the Georgian Parliament to drop these proposed laws.

— Samantha Power (@PowerUSAID) March 2, 2023

ასევე წაიკითხეთ:

• 03/03/2023 – რელიგიათა და უმცირესობათა საბჭოები „დაუშვებლებად“ მიიჩნევენ „აგენტებზე“ კანონის მიღებას
• 02/03/2023 – „აგენტებზე“ კანონპროექტის წინააღმდეგ აქციაზე რამდენიმე 36 პირი დააკავეს
• 02/03/2023 – განახლება: პარლამენტის ორმა კომიტეტმა მხარი დაუჭირა „უცხოეთის აგენტებზე“ კანონპროექტებს
• 02/03/2023 – აშშ-ის, ევროკავშირისა და ბრიტანეთის ელჩები „უცხოეთის აგენტებზე“ კანონპროექტს ეხმიანებიან
• 02/03/2023 – ბიზნესასოციაციები: „აგენტებზე“ კანონი უარყოფით აღქმას ჩამოაყალიბებს უცხოური მხარდაჭერის პროგრამებზე
• 27/02/2023 – გაეროს წარმომადგენლობა საქართველოში „შეშფოთებულია“ უცხოელი გავლენის აგენტებზე კანონპროექტით
• 25/02/2023 – ბორელის პრესსპიკერმა უცხოური გავლენის აგენტების შესახებ კანონპროექტზე კრიტიკული განცხადება გამოაქვეყნა 
• 23/02/2023 – „საერთაშორისო გამჭვირვალობა“: საქართველომ არ უნდა მიიღოს „უცხოელ აგენტებზე“ კანონი
• 22/02/2023 – მმართველი გუნდი უცხოური გავლენის აგენტების შესახებ კანონპროექტის დადებით მხარეებზე საუბრობს
• 21/02/2023 – „ხალხის ძალა“ უცხოური გავლენების აგენტების შესახებ ალტერნატიულ კანონპროექტს დაარეგისტრირებს
• 20/02/2023 – პრეზიდენტი უცხოური გავლენის აგენტების შესახებ კანონპროექტს მხარს არ დაუჭერს
• 17/02/2023 – ომბუდსმენი უცხოური გავლენის აგენტების შესახებ კანონპროექტს აკრიტიკებს
• 17/02/2023 – საქართველოზე PACE-ის მომხსენებლები მოუწოდებენ პარტიებს არ მიიღონ „უცხოური გავლენის აგენტების“ შესახებ კანონპროექტი
• 16/02/2023 – აშშ „ღრმად შეშფოთებულია“ უცხოური გავლენის აგენტების შესახებ კანონპროექტით

This post is also available in: English (ინგლისური) Русский (რუსული)