ახალი ამბები

საქართველოს პრემიერ-მინისტრმა მამუკა ბახტაძემ ნიუ-იორკში გაეროს გენერალური ასამბლეის 73-ე სხდომის ფარგლებში რიგი მაღალი დონის შეხვედრები გამართა. გენერალური ასამბლეის სხდომა 18-27 სექტემბერს იმართება და მასში ასობით სახელმწიფო ლიდერი, ოფიციალური პირი და სამოქალაქო საზოგადოების წარმომადგენელი მონაწილეობს. 24 სექტემბერს გაეროს გენერალურ მდივანთან ანტონიო გუტიერეშთან შეხვედრაზე, საქართველოს პრემიერ-მინისტრმა, სხვა საკითხებთან ერთად, ჟენევის საერთაშორისო დისკუსიების …

საქართველოს ყოფილი პრემიერ-მინისტრის ვანო მერაბიშვილის ადვოკატები მსჯავრდებულის ჯანმრთელობის მდგომარეობის გაუარესებაზე საუბრობენ და მისთვის სათანადო გამოკვლევების ჩატარებასა და მკურნალობის კურსის დანიშვნას ითხოვენ. მერაბიშვილის ჯანმრთელობის მდგომარეობის შესახებ მისმა ადვოკატებმა 23 სექტემბერს ტელეკომპანია რუსთავის 2-ის გადაცემა P.S.-ში ისაუბრეს. მათი განმარტებით, ბოლო თვეების განმავლობაში, მერაბიშვილი პენიტენციური დაწესებულებიდან გამოკვლევებზე რამდენჯერმე გადაიყვანეს. თუმცა, ინტენსიურმა მკურნალობის კურსმა …

პარლამენტის თავმჯდომარემ ირაკლი კობახიძემ 24 სექტემბერს გამართულ ბრიფინგზე ოპოზიციას შეუტია და განაცხადა, რომ ერთიანი ნაციონალური მოძრაობა მოახლოებული საპრეზიდენტო არჩევნების წინ, „პარტიული მედიის“ გამოყენების გზით, მიზნად საარჩევნო გარემოს დესტაბილიზაციას ისახავს. პარლამენტის თავმჯდომარის განცხადებით, მმართველი პარტიის სურვილია, რომ ევროპული სტილის წინასაარჩევნო კამპანია იმართებოდეს, სადაც კანდიდატები საკუთარ ხედვებს წარმოადგენენ და ამომრჩევლებს საკუთარ პრიორიტეტებს …

2018 წლის 28 ოქტომბერს საპრეზიდენტო არჩევნები გაიმართება და მოქალაქეები საქართველოს პრეზიდენტს პირდაპირი წესით ბოლოჯერ აირჩევენ. ახალი კონსტიტუციით, რომელიც ძალაში ახლადარჩეული პრეზიდენტის მიერ ფიცის დადებიდან შევა, პრეზიდენტს 300 წევრიანი საარჩევნო კოლეგია აირჩევს. მოახლოებულ საპრეზიდენტო არჩევნებთან დაკავშირებით Civil.ge ყოველკვირეული მიმოხილვების გამოქვეყნებას აგრძელებს, რომელიც მიზნად ისახავს საზოგადოების ინფორმირებას წინასაარჩევნო კამპანიის მიმდინარეობის, არჩევნებში მონაწილე …

საქართველოს პრემიერ-მინისტრმა მამუკა ბახტაძემ, რომელიც 16-27 სექტემბერს ოფიციალური ვიზიტით ამერიკის შეერთებულ შტატებს სტუმრობს, განაცხადა, რომ ორ ქვეყანას შორის თავისუფალი ვაჭრობის შეთანხმების ხელმოწერის პერსპექტივას ვაშინგტონში ფართო პოლიტიკური მხარდაჭერა აქვს. 22 სექტემბერს ტელეკომპანია „იმედთან“ ინტერვიუში, პრემიერ-მინისტრმა ბახტაძემ განაცხადა, რომ მან ეს საკითხი აშშ-ის დედაქალაქში გამართული შეხვედრების დროს დააყენა და მოხარულია, რომ ამას …

ცენტრალურმა საარჩევნო კომისიის 23 სექტემბრის განცხადებით, 28 ოქტომბრის საპრეზიდენტო არჩევნებისთვის 25 კანდიდატი დაარეგისტრირა. 1991 წლიდან მოყოლებული, როდესაც საქართველოში პირველი საპრეზიდენტო არჩევნები გაიმართა, წელს ყველაზე მეტი კანდიდატი დარეგისტრირდა. მას შემდეგ, ექვსი საპრეზიდენტო არჩევნები გაიმართა და ყველაზე მეტი, 23 კანდიდატი 2013 წელს დარეგისტრირდა. ცესკოს ინფორმაციით, 19 კანდიდატი პოლიტიკურმა პარტიებმა წარადგინეს, ხოლო დანარჩენი …

გასული წლის დეკემბერში, პანკისის ხეობაში ჩატარებული სპეცოპერაციის დროს დაჭრილი და მოგვიანებით გარდაცვლილი თემირლან მაჩალიკაშვილის ოჯახმა დღეს სახალხო დღესასწაულის „პანკისობის“ აღნიშვნა ჩაშალა. ახმეტის მუნიციპალიტეტის ადმინისტრაციის მიერ ორგანიზებული დღესასწაული „პანკისობა“ 11 საათზე უნდა დაწყებულიყო, თუმცა მაჩალიკაშვილის რამდენიმე ათეულმა ნათესავმა სოფელ დუისში დღესასწაულის აღნიშვნის ადგილისკენ მიმავალი გზა გადაკეტა. მომიტინგეებმა განაცხადეს, რომ ისინი სოფლის …

ორდღიანი ხმაურიანი განხილვების შემდეგ, პარლამენტმა გასული წლის დეკემბერში ხორავას ქუჩაზე მომხდარი ორი არასრულწლოვნის მკვლელობის საქმეზე შექმნილი დროებითი საგამოძიებო კომისიის ფარგლებში, ქართული ოცნების მიერ მომზადებულ დადგენილებას 73 ხმით ერთის წინააღმდეგ მხარი დაუჭირა. ევროპული საქართველოს მიერ მომზადებული დასკვნა და რეკომენდაციები კი ცნობად მიიღო. საპარლამენტო განხილვები პარლამენტში კომისიის მიერ მომზადებული ორი განსხვავებული დოკუმენტის …

საქართველოს, მოლდოვასა და უკრაინის დეპუტატების საპარლამენტო ასამბლეის პირველ სესიას თბილისი ოქტომბრის დასაწყისში უმასპინძლებს. ამის შესახებ განაცხადა პარლამენტის თავმჯდომარემ ირაკლი კობახიძემ განაცხადა. მან ეს განცხადება 20 სექტემბერს, საგარეო ურთიერთობათა კომიტეტის სხდომაზე გააკეთა, რომელმაც ასამბლეაში საქართველოს პარლამენტის ათწევრიანი დელეგაცია დაამტკიცა. საგარეო ურთიერთობათა კომიტეტის სხდომაზე გამოსვლისას, პარლამენტის თავმჯდომარემ აღნიშნა, რომ ქართველ, მოლდოველ და …

ნატოს გენერალური მდივნის მოადგილემ როუზ გიოტმიოლერმა, რომელიც 21 სექტემბერს თბილისში საქართველოს ოფიციალურ პირებთან შეხვედრებს მართავს, საქართველოს მიმართ ალიანსის „ძლიერი მხარდაჭერა“ კიდევ ერთხელ გამოხატა. „ნატო-საქართველოს ურთიერთობების თვალსაზრისით, საუკეთესო ფორმაში ვართ“, – განაცხადა როუზ გიოტმიოლერმა საგარეო საქმეთა მინისტრის მოადგილესთან დავით დონდუასთან შეხვედრის შემდეგ გამართულ ერთობლივ ბრიფინგზე. „ჩვენ მომავალშიც დაგეხმარებით წევრობისთვის მომზადების საქმეში“, …

2019 წლის იანვრიდან საქართველოს პარლამენტი ქუთაისიდან თბილისში დაბრუნდება და საკანონმდებლო საქმიანობას დედაქალაქში განაგრძობს. მმართველი გუნდი რეგლამენტში შესაბამისი ცვლილებების შეტანაზე უკვე მუშაობს. ქართულ ოცნებაში პარლამენტის დედაქალაქში დაბრუნების მიზეზად ბოლო წლებში პარლამენტის ორი შენობისთვის დახარჯულ დიდ საბიუჯეტო თანხებს და მთავრობასთან გართულებულ კოორდინაციას ასახელებენ. პარალმენტის ვიცე-სპიკერის თამარ ჩუგოშვილის განმარტებით, პარლამენტის ორ სხვადასხვა ქალაქში …

კოალიცია გამჭვირვალე და სამართლიანი არჩევნებისთვის, უზენაესი სასამართლოს თავმჯდომარეობის კანდიდატურის შერჩევის პროცესის შეჩერების გამო „შეშფოთებას“ გამოთქვამს და მმართველ გუნდსა და პრეზიდენტს მოუწოდებს, რომ თავმჯდომარის არჩევის პროცესი „ხელოვნურად არ შეაფერხონ“. შესაბამისი განცხადება კოალიციამ, რომელშიც 40 არასამთავრობო ორგანიზაცია ერთიანდება დღეს გაავრცელა. კოალიციაში მიიჩნევენ, რომ პრეზიდენტი და მმართველი პარტია, შექმნილ სიტუაციას „არასათანადო პასუხისმგებლობით ეკიდებიან“. …

ევროპის საბჭოს საპარლამენტო ასამბლეის (PACE) ხუთწევრიანი დელეგაცია 19-20 სექტემბერს საქართველოს სტუმრობდა და 28 ოქტომბრის საპრეზიდენტო არჩევნებამდე არსებული წინასაარჩევნო გარემო შეაფასა. დელეგაციამ, რომელსაც გერმანელი დეპუტატი ანჯეი ჰუნკო ხელმძღვანელობდა, განაცხადა, რომ „ზოგადი გარემო სათანადოა დემოკრატიული არჩევნების ჩასატარებლად“, თუმცა „გაუმჯობესებას საჭიროებს“ და არჩევნებამდე დარჩენილი დრო სწორედ ამ გაუმჯობესების მისაღწევად უნდა იქნას გამოყენებული. PACE-ის …

საქართველოს პრემიერ-მინისტრი მამუკა ბახტაძე, რომელიც 16-27 სექტემბერს ოფიციალური ვიზიტით ამერიკის შეერთებულ შტატებს სტუმრობს, გუშინ აშშ-ის სახელმწიფო მდივანს მაიკ პომპეოს შეხვდა და აშშ-საქართველოს ურთიერთობები განიხილა. საქართველოს მთავრობის პრესსამსახურის ინფორმაციით, მხარეებმა თავდაცვისა და უსაფრთხოების სფეროში აშშ-საქართველოს თანამშრომლობის განვითარებისა და ორმხრივი ეკონომიკური კავშირების გაღრმავების საკითხებზე იმსჯელეს. მათ ოკუპირებულ აფხაზეთსა და ცხინვალის რეგიონში არსებული …

საქართველოს კათალიკოს-პატრიარქმა ილია მეორემ მართმადიდებელ სამღვდელოებას, მოახლოებული საპრეზიდენტო არჩევნების წინ, პოლიტიკური განცხადებების გაკეთებისგან თავის შეკავება ურჩია. განცხადებას წინ საეკლესიო პირების მხრიდან მმართველი პარტიის მიერ მხარდაჭერილი საპრეზიდენტო კანდიდატის, სალომე ზურაბიშვილის წინააღმდეგ კრიტიკის ტალღა უძღოდა. „სამწუხაროდ, არჩევნების მოახლოებასთან დაკავშირებით, ზოგიერთი ღვთისმსახური აკეთებს პოლიტიკური შინაარსის განცხადებებს და ამასთან, საჯარო სივრცეში არაკორექტულად მოიხსენიებს ამა …

საქართველოს საგარეო საქმეთა სამინისტრო სახელმწიფო აუდიტის სამსახურის იმ დასკვნას ეხმაურება, რომელშიც უწყების მიერ განხორციელებულ შესყიდვებში კორუფციის სავარაუდო ნიშნებზეა საუბარი და მსგავს ფაქტს კატეგორიულად გამორიცხავს. რას ამბობს აუდიტის დასკვნა? აუდიტის სამსახურის მიერ 14 სექტემბერს გამოქვეყნებულ დასკვნაში ერთ-ერთ მთავარ პრობლემად საგარეო უწყების საკუთრებაში არსებული შენობა-ნაგებობის რეაბილიტაციისთვის საჭირო შესყიდვაში დაფიქსირებული ფაქტი სახელდება. კერძოდ, …

ფინანსთა მინისტრის ივანე მაჭავარიანის 20 სექტემბრის განაცხადებით, სახმელეთო გზით ხორბლის იმპორტზე აკრძალვის შესახებ მისი გადაწყვეტილების ამოქმედება 2019 წლის 1 ოქტომბრამდე გადაიდო. ხორბლის სახმელეთო გზით შემოტანის აკრძალვის გადაწყვეტილებას გადამზიდავების პროტესტი მოჰყვა. მათ მინისტრის შესაბამისი ბრძანების გაუქმების მოთხოვნით თბილისში რამდენიმედღიანი აქციები გამართეს. 20 სექტემბერს აქციის ერთ-ერთი მონაწილე ჯანო ამყოლაძე თავის დაწვითაც იმუქრებოდა, თუ …

შინაგან საქმეთა სამინისტროს ინფორმაციით, შიდა ქართლისა და მცხეთა-მთიანეთის პოლიციის დეპარტამენტებში, როტაციის საფუძველზე, ორი ახალი დირექტორი დაინიშნა. შიდა ქართლის პოლიციის დეპარტამენტს დიმიტრი ზურაბიშვილი უხელმძღვანელებს, რომელსაც 2016 წლიდან დღემდე, მცხეთა-მთიანეთის პოლიციის დეპარტამენტის დირექტორის პოსტი ეკავა. ახალი ხელმძღვანელი ჰყავს მცხეთა-მთიანეთის პოლიციის დეპარტამენტს და ამ თანამდებობას ქვემო ქართლის პოლიციის დეპარტამენტის დირექტორის მოადგილე დავით თამაზაშვილი …

აშშ-ის სახელმწიფო დეპარტამენტმა 19 სექტემბერს ტერორიზმის შესახებ ყოველწლიური ანგარიში გამოაქვეყნა, რომელიც აშშ-ის კონგრესისთვის 2017 წელს არსებულ გლობალურ კონტრტერორისტულ გარემოს აფასებს. დოკუმენტში საქართველო მოხსენიებულია, როგორც „ISIS-ის წინააღმდეგ ბრძოლის გლობალური კოალიციის დიდი ხნის წევრი“, რომელიც „განაგრძობს ძლიერ ჩართულობას ამერიკის შეერთებულ შტატებთან კონტრტერორიზმთან დაკავშირებულ რიგ საკითხებზე“. დოკუმენტში ასევე ნათქვამია, რომ საქართველომ „უამრავ ორმხრივ …

სახელმწიფო აუდიტის სამსახურის ბოლო მონაცემების მიხედვით, 2018 წლის პირველი აგვისტოდან 11 სექტემბრის ჩათვლით პერიოდში, შემოწირულობა სულ 12-მა საარჩევნო სუბიექტმა მიიღო. ფულადი და არაფულადი შემოწირულობების ჯამურმა მოცულობამ 837 307 ლარი შეადგინა. აუდიტის სამსახურის ინფორმაციით, შემოწირულობების 94 % – 791 157 ლარი სამმა საარჩევნო სუბიექტმა – ერთიანმა ნაციონალურმა მოძრაობამ (388 980 ლარი), …