ლევან ხაბეიშვილი „ქართულ ოცნებას“: „ამ წუთიდან არ გექნებათ არანაირი მოსვენება“

მას შემდეგ, რაც თბილისის საქალაქო სასამართლომ 6 თებერვალს ყოფილი პრეზიდენტი, მიხეილ სააკაშვილი პატიმრობიდან არ გაათავისუფლა და არც სასჯელი გადაუვადა, „ერთიანი ნაციონალური მოძრაობის“ (ენმ) ახლადარჩეულმა თავმჯდომარემ, ლევან ხაბეიშვილმა საგანგებო ბრიფინგზე განაცხადა, რომ ისინი საპარლამენტო საქმიანობას წყვეტენ.

მისი თქმით, 7 თებერვლიდან პარტია „საგანგებო რეჟიმზე“ გადადის. ხაბეიშვილმა ენმ-ის რეგიონული ორგანიზაციების თავმჯდომარეებს და საკრებულოებში ფრაქციების თავმჯდომარეებს მიმართა და უთხრა: „ხვალ ყველას ველოდებით დედაქალაქში. მთავარი საპროტესტო ცენტრი იქნება დედაქალაქი“.

„ამ წუთიდან „ქართული ოცნების“ მაღალი თანამდებობის პირებს არ ექნებათ არანაირი მოსვენება, ამ ბრიფინგის დასრულების შემდეგ, ამას პრემიერი ღარიბაშვილი პირველი იგრძნობს“, – დასძინა მან.

ბრიფინგის შემდეგ, „ნაციონალური მოძრაობის“ წევრებმა ვაკეში, მოსაშვილის ქუჩაზე, პრემიერ ღარიბაშვილის საცხოვრებელ სახლთან აქცია გამართეს და მოსამართლის გადაწყვეტილება იქ გააპროტესტეს. მორიგი აქცია, დღეს, 7 თებერვალს, მთავრობის კანცელარიასთან არის დაგეგმილი.

ასევე წაიკითხეთ:

• 06/02/2023 – სასამართლომ მიხეილ სააკაშვილი არ გაათავისუფლა, არც სასჯელი გადაუვადა
• 21/01/2023 – მიხეილ სააკაშვილის მომდევნო სასამართლო სხდომა 23 იანვარს ჩატარდება
• 04/01/2023 – SaveMisha – საქართველოსა და მსოფლიოს სხვადასხვა ქალაქში სააკაშვილის სოლიდარობის აქციები გაიმართა
• 29/12/2022 – იუსტიციის მინისტრმა დიპლომატებთან მიხეილ სააკაშვილის საკითხი განიხილა
• 21/12/2022 – აშშ-ის სახელმწიფო დეპარტამენტი: ხელისუფლება პასუხისმგებელია სააკაშვილის მკურნალობაზე
• 20/12/2022 – ვოლოდიმირ ზელენსკი ხელისუფლებას სააკაშვილის საზღვარგარეთ გადაყვანისკენ მოუწოდებს

This post is also available in: English (ინგლისური) Русский (რუსული)