Placeholder canvas
რესპუბლიკის ამბები

15 მაისი, 1920 წ. გენშტაბის ცნობა: ხელთ ვიგდეთ სამხედრო ნადავლი

გაზ. საქართველოს რესპუბლიკა, 1920 წლის 16 მაისი, N108

სამხედრო ცნობა

ტფილისი, 15 მაისი.

გენერალური შტაბის სამხედრო ცნობა

ყაზახის მიმართულებით მტრის არტილერია და ცხენოსანი ჯარი 4 პოლკზე ნაკრები არ არის. 14 მაისს მტერი შემოტევაზე გადმოსვლას ცდილობდა, მაგრამ სახალხო გვარდიის მედგარი შეტევით ჩვენი პოზიციების 8 ვერსის იქით გავრეკეთ. წითელ ხიდთან ბრძოლაში და მის შემდეგ მტრის დევნის დროს ხელთ ვიგდეთ 3 ტყვიისმფრქვეველი, ტყვეები, სამზარეულოები, არტილერიის საწყობი, სადაც, სხვათა შორის, 20 000 თოფის პატრონაზე მეტი აღმოჩნდა. მტერს წავართვით აგრეთვე ობოზი, სურსათ-სანოვაგე და შინაური საქონლის ჯოგები.

ფოილოსთან, გუშინ, 14 მაისს, მტერი არტილერიიდან ყუმბარებს ესროდა ჩვენს პოზიციებს. დანარჩენ სხვა ფრონტებზე სიწყნარეა. მიღებულ ცნობების თანახმად ფოილოს ხიდთან ბრძოლაში ჩვენებს დაუზიანებიათ მტრის ორი ჯავშნიანი მატარებელი და მასზე მოსამსახურე რამდენიმე კაცი მოუკლავთ.

მსგავსი/Related

Back to top button