სამუსლიმანო საქართველოს, აფხაზეთისა და სვანეთის მოსწავლეებს სტიპენდიები დაენიშნათ

გაზ. საქართველოს რესპუბლიკა, 1919 წლის 24 დეკემბერი, N291

დეკრეტი

სამუსლიმანო საქართველოს, აფხაზეთის, სვანეთის და სხვა განაპირა კუთხეების მოსწავლე ახალგაზრდობისათვის სტიპენდიის დასანიშნად 200 000 მანეთის გადადებისა

1. გაღებული იქნეს სახელმწიფო ხაზინიდან სახალხო განათლების მინისტრის განკარგულებაში ორასი ათასი (200 000) მანეთი სამუსლიმანო საქართველოს, აფხაზეთის, სვანეთისა და სხვა განაპირა კუთხეების მოსწავლე ახალგაზრდობისათვის სტიპენდიების დასანიშნავად.
2. მიენდოს სახალხო განათლების სამინისტროს შეიმუშაოს დაწვრილებითი წესები და საერთო ნორმები პირველ მუხლში აღნიშnულ სასტიპენდიო თანხის განაწილებისა

1919 წ. დეკემბრის 13.

საქართველოს დამფუძნებელი კრების თავმჯდომარის უფროსი ამხანაგი

ალექსანდრე ლომთათიძე

საქართველოს რესპუბლიკის მთავრობის თავმჯდომარე

ნოე ჟორდანია