2023 წელს პირდაპირი უცხოური ინვესტიციები 1.595 მლრდ აშშ დოლარი იყო
საქართველოს სტატისტიკის ეროვნული სამსახურის მიერ 11 მარტს გამოქვეყნებული წინასწარი მონაცემებით, 2023 წელს პირდაპირი უცხოური ინვესტიციები 1.595 მლრდ აშშ დოლარი იყო, რაც წინა წლის დაზუსტებულ მაჩვენებელზე 24%-ით ნაკლებია. შემცირების გამომწვევ უმთავრეს მიზეზს სავალო ვალდებულებების შემცირება წარმოადგენს.
საქსტატის ცნობით, 2023 წელს რეინვესტიციის წილმა მთლიანი პირდაპირი უცხოური ინვესტიციების 80.2% შეადგინა.
2023 წელს, პირდაპირი უცხოური ინვესტიციების ყველაზე დიდი წილი – 392 მლნ აშშ დოლარი – გაერთიანებულ სამეფოზე მოდიოდა, შემდეგ მოდის ნიდერლანდები – 360.5 მლნ აშშ დოლარით და თურქეთი – 168.8 მლნ აშშ დოლარით. სამი უმსხვილესი ინვესტორი ქვეყნის წილმა მთლიან პირდაპირ უცხოურ ინვესტიციებში 57.8% შეადგინა.
დანარჩენი ქვეყნების წილი პირდაპირ უცხოურ ინვესტიციებში ასე გამოიყურება: აშშ – 153.5 მლნ აშშ დოლარით; რუსეთი – 87.6 მლნ აშშ დოლარით; მალტა – 80 მლნ აშშ დოლარით; აზერბაიჯანი – 53.6 მლნ აშშ დოლარით; ჩინეთი – 47.3 მლნ აშშ დოლარით; იაპონია – 45.5 მლნ აშშ დოლარით; ყაზახეთი – 43.3 მლნ აშშ დოლარით; დანარჩენი ქვეყნები – 162.7 მლნ აშშ დოლარით.
2023 წელს პირდაპირი უცხოური ინვესტიციების ყველაზე დიდი წილი 630.1 მლნ აშშ დოლარი საფინანსო და სადაზღვევო სექტორზე მოდიოდა. შემდეგ მოდიან: დამამუშავებელი მრეწველობა – 291.7 მლნ აშშ დოლარით; ტრანსპორტი – 138.2 მლნ აშშ დოლარით; ვაჭრობა – 116.6 მლნ აშშ დოლარით; ენერგეტიკის სექტორი – 108.5 მლნ აშშ დოლარით; ინფორმაცია და კომუნიკაცია – 85.7 მლნ აშშ დოლარით; უძრავი ქონება – 59.7 მლნ აშშ დოლარით; გართობა და დასვენება – 57.8 მლნ აშშ დოლარით; სასტუმროები და რესტორნები – 34.6 მლნ აშშ დოლარით; განათლება – 18.2 მლნ აშშ დოლარით.
ასევე წაიკითხეთ:
- 08/12/2023 – 2023 წლის III კვარტალში პირდაპირი უცხოური ინვესტიციების მოცულობამ 316.0 მლნ აშშ დოლარი შეადგინა
- 08/09/2023 – 2023 წლის II კვარტალში პირდაპირი უცხოური ინვესტიციების მოცულობამ 505.7 მლნ აშშ დოლარი შეადგინა
- 13/03/2023 – 2022 წელს პირდაპირი უცხოური ინვესტიციები 61.1%-ით გაიზარდა
This post is also available in: English (ინგლისური) Русский (რუსული)
