ჯუანშერ ბურჭულაძე უკრაინის საკონტაქტო ჯგუფის შეხვედრაში მონაწილეობდა

საქართველოს თავდაცვის მინისტრი, ჯუანშერ ბურჭულაძე ვიზიტით გერმანიაში იმყოფება, სადაც აშშ-ის თავდაცვის დეპარტამენტის მიერ ორგანიზებულ უკრაინის საკონტაქტო ჯგუფის შეხვედრაში მონაწილეობდა. გერმანიაში, აშშ-ის რამშტაინის საჰაერო ბაზაზე გამართულ შეხვედრას აშშ-ის თავდაცვის მდივანი, ლოიდ ოსტინი უძღვებოდა და მასში დაახლოებით 50 ქვეყნის თავდაცვის მინისტრები და მაღალი რანგის სამხედრო პირები მონაწილეობდნენ.

საქართველოს თავდაცვის სამინისტროს ინფორმაციით, შეხვედრაზე უკრაინაში რუსეთის აგრესიის შედეგად შექმნილი ვითარება და ქვეყნისთვის სამხედრო დახმარების გაწევის საჭიროებები განიხილეს. სამინისტრომ აღნიშნა, რომ „შეხვედრაზე რამდენიმე ქვეყანამ დაადასტურა უკრაინისთვის დაპირებული სამხედრო დახმარების გადაცემის შესახებ“. რამშტაინის ფორმატის შეხვედრაზე საუბარი ასევე შეეხო აშშ-ის მოკავშირეებისა და პარტნიორების წინაშე არსებულ უსაფრთხოების გამოწვევებს. შეხვედრაზე ფორმატის ერთი წლისთავი აღინიშნა.

თავის მხრივ, უკრაინის თავდაცვის მინისტრმა, ოლექსი რეზნიკოვმა შეხვედრამდე Twitter-ზე დაწერა, რომ შეხვედრის დღის წესრიგის საკითხებია: ანალიზი თუ რა გაკეთდა, ასევე 2023 წლის სტრატეგია, შეიარაღებული ძალების ამჟამინდელი საჭიროებები და უკრაინის თავდაცვის ძალების ყველა დანაყოფებისთვის დახმარების პროგრამების გადანაწილება.

#Ramstein begins. Today, we mark the one-year anniversary of this format. On the agenda are an analysis of what’s been done, our strategy for 2023, current needs of the Armed Forces, and the distribution of assistance programs to all divisions of Ukraine's Defense Forces. We feel… pic.twitter.com/EPkoieG7Dy

— Oleksii Reznikov (@oleksiireznikov) April 21, 2023

ასევე წაიკითხეთ:

• 15/03/2023 – ჯუანშერ ბურჭულაძემ უკრაინის საკონტაქტო ჯგუფის შეხვედრაში მიიღო მონაწილეობა
• 14/02/2023 – საქართველოს დელეგაცია უკრაინის თავდაცვის საკონტაქტო ჯგუფის შეხვედრას დაესწრო
• 08/09/2022 – საქართველოს თავდაცვის მინისტრი უკრაინის თავდაცვის საკონტაქტო ჯგუფის შეხვედრას დაესწრო
• 16/06/2022 – თავდაცვის მინისტრი უკრაინის თავდაცვის საკონტაქტო ჯგუფის შეხვედრას დაესწრო

This post is also available in: English (ინგლისური) Русский (რუსული)