ძველი ამბები

ბათომში საქართველოს დამოუკიდებლობის იურიდიულად აღიარება აღნიშნეს

გაზ. საქართველოს რესპუბლიკა, 1921 წლის 10 თებერვალი, N31

ბათომი

საქართველოს დამოუკიდებლობის იურიდიულად ცნობის აღსანიშნავმა დღესასწაულმა 6 თებერვალს ბრწყინვალედ ჩაიარა. დამოუკიდებლობის მოედანზე გაიმართა დიდი მიტინგი. მიტინგს დაესწრენ აუარებელი მუშები, მოწაფეები და ხალხი. მიტინგი გახსნა ქალაქის თავმა, დამფუძნებელი კრების წევრმა გიზო ანჯაფარიძემ. მისასალმებელი სიტყვები წარმოსთქვეს საგანგებო რწმუნებულმა გრიგოლ გიორგაძემ, პროფესიონალურ საბჭოს თავმჯდომარემ, გრიგოლ აიოლომ, ირ დიდიძემ, ა. ანგულაძემ, კაპ. გოგოლაძემ და პეტროსიანმა (დაშნაკელების პარტიიდან) ქალაქს ზეიმის ელფერი ედო ქუჩებში გაიმართა მანიფესტაციები.

მსგავსი/Related

Back to top button