ძველი ამბები

სახალხო გვარდიამ დარიალში შემოსული 8 000 დენიკინელი გაანიარაღა

Tags

გაზ. საქართველოს რესპუბლიკა, 1920 წლის 27 მარტი, N69

მოხალისეთა განიარაღება

ყაზბეგი (დეპეშა). 21 მარტს, დილის 7 საათიდან ჩვენ განვაახლეთ მოხალისეთა რაზმების გამოშვება. საღამოს 6 საათზე იმათი ნაწილები უკვე გამოშვებული იყვნენ. ორი დღის განმავლობაში გამოვიდნენ: 8 ათას კაცამდე, 3 000 ცხენი, რამდენიმე ასი „პოდვოდები“, 21 საბარგო ავტომობილები, 6 სამგზავრო ავტომობილი. 13 მოტოციკლეტი და რამდენიმე ათეული აქლემი. დარიალში ჩამორთმეულია 7 000 ვინტოვკა, 150 ტყვიისმფრქვეველი, 10 ზარბაზანი, 13 პანორამა, 2 ტანკი, ახალი რადიო-სადგური და დიდძალი ტეხნიკური ქონება. გამოქცეულთ სურსათი არა აქვთ. ამინდი წახდა. ამის გამო დახეულ ნაწილთა და ლტოლვილთა მდგომარეობა ძლიერ გართულებულია. არის შემთხვევები სიცივისაგან ბავშვთა სიკვდილისა.

ჯუღელი, გურული, ყიფიანი, ფანიევი, ქარცივაძე

მსგავსი/Related

Back to top button