Placeholder canvas
რესპუბლიკის ამბები

ორთა-ბათუმის მცხოვრებლები საქართველოს რესპუბლიკასთან შეერთებას მოითხოვენ

საქართველო. 1919 წლის 31 ოქტომბერი, N236

სოფელ ორთა-ბათუმის მცხოვრებთა დადგენილება

ჩვენ ქვემორე ამისა ხელის მომწერთა  სოფელ ორთა-ბათუმის მცხოვრებლებმა გავიგეთ, რომ ბათუმის ოლქის ქართველ მაჰმადიანთა ამა წლის 31 მარიამობის ყრილობაზე, რომელიც ქალაქ ბათუმში მოხდა, ჩვენ მიერ ამორჩეულ მეჯლისის დადგენილებას იმის იმის შესახებ, რომ სამაჰმადიანო საქართველო დედა-სამშობლო საქართველოს დემოკრატიულ რესპუბლიკას უნდა შეუერთდეს, ზოგიერთი ბნელი პირები თურმე უნდობლობით ეპყრობიან და გაზეთებში პროტესტს აცხადებენ. ვიქონიეთ რა ამის შესახებ მსჯელობა, დავადგინეთ: სასტიკი პროტესტი გამოეცხადოს იმ პირებს, რომლებიც ჩვენ მიერ კანონიერათ ჩვენი სურვილით არჩეულ მეჯლისის დადგენილების წინააღმდეგნი არიან.

ჩვენ კი ყოველგვარი ზომები მივიღოთ მეჯლისის დადგენილების სისრულეში მოსაყვანად.

ხელს აწერს 61 წარმომადგენელი.

მსგავსი/Related

Back to top button