Placeholder canvas
ახალი ამბები

სალომე ზურაბიშვილი საფრანგეთში ვიზიტს განაგრძობს

საქართველოს პრეზიდენტი, სალომე ზურაბიშვილი საფრანგეთში სამუშაო ვიზიტის ფარგლებში ,,დემოკრატიის მსოფლიო ფორუმში“ მონაწილეობის შემდეგ, 7 ნოემბერს, ევროპის საბჭოს გენერალურ მდივანს, მარია პეიჩინოვიჩ ბურიჩსა და  ისლანდიის პრემიერ-მინისტრს, კატრინ იაკობსდოტირს შეხვდა.

ევროპის საბჭოს გენერალურ მდივანთან შეხვედრა

სალომე ზურაბიშვილმა ევროპის საბჭოს გენერალურ მდივანთან შეხვედრისას საქართველოს ევროპული პერსპექტივა და ევროკავშირის წევრობის მისაღწევად ევროპის საბჭოს მხარდაჭერის მნიშვნელობა განიხილა, რა დროსაც საქართველოს პრეზიდენტმა ყურადღება გაამახვილა ევროპის საბჭოსთან თანამშრომლობის მნიშვნელობაზე.

საქართველოს პრეზიდენტის ადმინისტრაციის პრესსამსახურის ცნობით, სალომე ზურაბიშვილმა აღნიშნა, რომ „არცერთი დემოკრატია არ არის სრულყოფილი, თუმცა საქართველო იმსახურებს კანდიდატობის სტატუსს“. „შესაბამისად, მნიშვნელოვანია, რომ საქართველომ პარტნიორებისაგან კიდევ უფრო მეტი მხარდაჭერა მიიღოს ევროპული ინტეგრაციის ამ გზაზე“.

ამავე ინფორმაციით, მხარეებმა საქართველოს მიერ ევროკომისიის მიერ გაცემული 12-პუნქტიანი რეკომენდაციების შესრულებაზეც ისაუბრეს, რაზეც „ევროპის საბჭოს გენერალურმა მდივანმა აღნიშნა, რომ მნიშვნელოვანია მოხდეს საქართველოსა და ევროპის საბჭოს შორის სექტორული თანამშრომლობის გაღრმავება და გამოცდილების გაზიარება“.

საქართველოს პრეზიდენტმა და ევროპის საბჭოს გენერალურმა მდივანმა საქართველოს დემოკრატიის მიმართულებით არსებულ გამოწვევებზეც გაამახვილეს ყურადღება, რა დროსაც პრეზიდენტმა ზურაბიშვილმა „დღეს საქართველოში დემოკრატიის განვითარებას აბრკოლებს პოლარიზაცია“.

,,პოლარიზაცია აუცილებლად უნდა დავძლიოთ და შევამციროთ, რადგან ნებისმიერ მომენტში შესაძლოა, ის გამოყენებული იქნას ჩვენს წინააღმდეგ“, – განაცხადა საქართველოს პრეზიდენტმა და ამ მიზნით მის მიერვე წამოწყებულ ეროვნული თანხმობის პროცესზე გაამახვილა ყურადღება.

სალომე ზურაბიშვილმა მარია პეიჩინოვიჩ ბურიჩს საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა და 2023 წელს დაგეგმილ თბილისის ქალთა კონფერენციაზე მოიწვია.

ისლანდიის პრემიერთან შეხვედრა

ისლანდიის პრემიერმინისტრთან, კატრინ იაკობსდოტირთან შეხვედრაზე სალომე ზურაბიშვილმა ორმხრივი ურთიერთობების გაღრმავების საკითხები განიხილა. მხარეებმა გენდერული თანასწორობაზე, ბავშვთა უფლებებზე და კლიმატის ცვლილებზეც იმსჯელეს.

საქართველოს პრეზიდენტის ადმინისტრაციის პრესსამსახურის ცნობით, საქართველოს პრეზიდენტი და ისლანდიის პრემიერის საქართველოს ევროპული პერსპექტივის მინიჭების საკითხსაც შეეხნენ, რა დროსაც სალომე ზურაბიშვილმა აღნიშნა, რომ საქართველოს მოსახლეობის 80% მხარს უჭერს ქვეყნის ევროინტეგრაციას და ეს საქართველოს კონსტიტუციაშიცაა გაწერილი.

რეგიონში შექმნილ ვითარებასა და უკრაინაში მიმდინარე ომზე საუბრისას, პრეზიდენტმა ზურაბიშვილმა აღნიშნა, რომ „პატარა სახელმწიფოებმა ერთიანი ძალისხმევით უნდა დავიცვათ საკუთარი ინტერესები, რათა მათი ხმა იყოს გაგონილი და გათვალისწინებული“.

პრეზიდენტმა ზურაბიშვილმა თბილსში დაგეგმილ ქალთა საერთაშორისო კონფერენციაზე ისლანდიის პრემიერიც მოიწვია.

ასევე წაიკითხეთ:

This post is also available in: English (ინგლისური) Русский (რუსული)

მსგავსი/Related

Back to top button