ძველი ამბები

ნოემბერი, 1920: ქართული სამეცნიერო გამოცემები ევროპის ბიბლიოთეკებში გავრცელდება

გაზ. საქართველოს რესპუბლიკა, 1920 წლის 20 ნოემბერი, N264

წერილი რედაქციის მიმართ

ბატონო რედაქტორო!

ნება მომეცით თქვენი პატივცემული ორგანოს საშუალებით შემდეგი გამცნოთ ქართულ სამეცნიერო დაწესებულებებს, ქართველთა შორის წერა-კითხვის გამავრცელებელ საზოგადოებას და საერთოდ გამომცემლებს. ოქტომბრის ათს, ჩვენ გვთხოვა ბერლინში არსებულმა გამომცემლობამ: Vereinlgung wissenschaftlicher Verleger – სამეცნიერო გამომცემელთა კავშირმა, წინადადება მივეცით ქართველ გამომცემლებს ყოველი ახალი, საყურადღებო გამოცემის 5 ეგზემპლიარი ფას დადებით უგზავნონ ფოსტით ხსენებულ გამომცემლობას შემდეგ მისამართით – Vereinlgung wissenschaftlicher Verleger – Berlin W. C. Genthinarst. 38, Via Jtalia.

ჩვენ სიამოვნებით ვასრულებთ პატივცემულ გამომცემლობის თხოვნას, რადგანაც ამას მოითხოვს თქვით ქართული წიგნის ევროპაში გავრცელების საქმე; ეს გამომცემლობა საქართველოდან მიღებულ წიგნებს გერმანიის, ავსტრიის და შვეიცარიის ბიბლიოთეკებს მიაწოდებს.

პატივისცემით, კონსტანტინე გამსახურდია და რიჰარდ მეკელიანი.

სხვა ქართულ გაზეთებსაც ვთხოვთ ამ ბარათის გადაბეჭდვას.

მსგავსი/Related

Back to top button