ლაზარე გრიგორიადისის მამამ პროტესტის ნიშნად თვალი და პირი ამოიკერა
დაკავებული ლაზარე გრიგორიადისის მამამ, ბექა გრიგორიადისმა 20 ივნისს პროტესტის ნიშნად თვალი და პირი ამოიკერა შვილის გათავისუფლების მოთხოვნით. ბექა გრიგორიადისმა პროტესტის უკიდურეს ზომას პარლამენტის წინ გუშინ გამართულ საპროტესტო აქციაზე მიმართა სახელწოდებით „არა რუსულ მთავრობას – სამოქალაქო დაუმორჩილებლობა“.
აქციის ორგანოზატორებს შორის იყვნენ ოპოზიციური პოლიტიკური პარტიები, არასამთავრობო ორგანიზაციები, უნივერსიტეტები, სტუდენტები და მოქალაქეები. საქართველოს მოქალაქეების წინაშე არსებულ უამრავ გამოწვევას შორის, ორგანიზატორებმა „დაშინება, თავისუფალი სიტყვის ჩახშობა, ქვეყნის რუსეთიფიკაცია, ეკონომიკის განადგურება, უმუშევრობა და გაზრდილი ემიგრაცია“ დაასახელეს.
აქციის ორგანიზატორებმა ხელისუფლების წინააღმდეგ დაუმორჩილებლობისკენ მოუწოდეს. მათი ერთ-ერთი მოთხოვნა „პოლიტპატიმრების“ მიხეილ სააკაშვილის, ნიკა გვარამიას და ლაზარე გრიგორიადისის გათავისუფლებაა.
ასევე წაიკითხეთ:
- 03/06/2023 – სასამართლომ ლაზარე გრიგორიადისის მამა 2 000 ლარით დააჯარიმა
- 01/04/2023 – ფოტოამბავი: „ლაზარეს თავისუფლებისთვის“ – აქცია მთავრობის ადმინისტრაციასთან
- 03/06/2023 – საპროტესტო ბანერების გამო პოლიციამ პარლამენტთან აქტივისტები დააკავა
This post is also available in: English (ინგლისური) Русский (რუსული)
