Placeholder canvas
რესპუბლიკის ამბები

საგარეო საქმეთა მინისტრი ევგენი გეგეჭკორი ოფიციალური ვიზიტით ბაქოს ეწვია

გაზ. საქართველოს რესპუბლიკა, 1920 წლის 28 მარტი, N70

გარეშე საქმეთა მინისტრი ე. პ. გეგეჭკორი ბაქოში

როგორც ვიცით ბაქოში გაემგზავრა ევგენი გეგეჭკორი. გაზ. „აზერბაიჯანში“ გეგეჭკორის სურათთან ერთად მოთავსებულია შემდეგი წერილი: „გუშინ გვესტუმრა სასურველი სტუმარი – საქართველოს გარეშე საქმეთა მინისტრი. ნამდვილი მეგობარი გაჭირვების დროს იცნობა; და ეს გვაძლევს  საბაბს გულწრფელად მივესალმოთ ჩვენი მეგობარ სახელმწიფოს მთავრობის ერთ-ერთს უმაღლეს წარმომადგენელს. დღეს, როცა ჩვენს თავისუფლებას და დამოუკიდებლობას ყოველ მხრივ ემუქრებიან, გვესმის თუ რა დიდი მნიშვნელობა აქვს ორ მეზობელ ერთა შორის მეგობრულ გრძნობას. ამიერ-კავკასიის ერებს მიტომ კი არ მოუშორებიათ თავიდან მონობის უღელი, რომ ხელ-ახლად დაიდგან ის კისერზე. ვინც ერთხელ იგემა თავისუფლების სიტკბოება, მას სიკვდილი ურჩევნია ყოფილ მონურ მდგომარეობაში ჩავარდნას. ამ საერთო საფრთხის დროს, რომელიც ემუქრება მთელ ამიერ-კავკასიას, ორი მეზობელი ვერ დაქსაქსავენ თავის ძალებს ცალკ-ცალკე გამოსვლით. მობრძანება ჩვენთან საქართველოს  ხალხის გარეშე საქმეთა მინისტრისა ნათლად ამოწმებს, რომ ადერბეიჯანს და საქართველოს შეგნებული აქვთ ეს ჭეშმარიტება.

მსგავსი/Related

Back to top button