აშშ გმობს დემონსტრანტებისა და ჟურნალისტების წინააღმდეგ გადამეტებული ძალის გამოყენებას

აშშ-ის სახელმწიფო დეპარტამენტის პრესსპიკერმა ვედანტ პატელმა 3 დეკემბერს განაცხადა, რომ აშშ გმობს პოლიციის მიერ „გადამეტებული ძალის გამოყენებას“ აქციების დარბევის დროს, შეშფოთებულია ჟურნალისტებზე თავდასხმებისა და მათი დაკავებების შესახებ ცნობებით და მოუწოდებს ყველა მხარეს „უზრუნველყვეს, რომ პროტესტი მშვიდობიანი დარჩეს“.

„„ჩვენ ვგმობთ პოლიციის მიერ ძალის გადამეტებულ გამოყენებას იმ დემონსტრანტების წინააღმდეგ, რომლებიც ცდილობენ, გამოიყენონ მშვიდობიანი შეკრებისა და გამოხატვის თავისუფლების უფლება, მათ შორის, მშვიდობიანი პროტესტის გამოხატვის შესაძლებლობა. აშშ ღრმად შეშფოთებულია ჟურნალისტების დაკავებისა და მათზე თავდასხმის შესახებ ინფორმაციით. მიგვაჩნია რა, რომ თავისუფალი პრესა დემოკრატიული სისტემის ქვაკუთხედია, ჩვენ კვლავ მოვუწოდებთ ყველა მხარეს, უზრუნველყონ პროტესტის მშვიდობიანი ხასიათი და მოვუწოდებთ საქართველოს ხელისუფლებას, მკაცრად დაიცვას კანონის უზენაესობა, ადამიანის უფლებები და ფუნდამენტური თავისუფლებები“, – განაცხადა პრესსპიკერმა.

ასევე წაიკითხეთ:

• 03/12/2024 – ეუთოს საპარლამენტო ასამბლეის სპეციალური წარმომადგენელი საქართველოში საპროტესტო აქციების შესახებ: ძალადობის შესახებ ცნობები „საგანგაშოა“
• 03/12/2024 – გაეროს ადამიანის უფლებათა უმაღლესი კომისარი ხელისუფლებას შეკრებისა და გამოხატვის უფლების დაცვისკენ მოუწოდებს

This post is also available in: English (ინგლისური) Русский (რუსული)