საქართველოს საპარლამენტო დელეგაცია შვეიცარიას და ლიხტენშტაინს სტუმრობს
საქართველოს საპარლამენტო დელეგაცია თავმჯდომარის შალვა პაპუაშვილს ხელმძღვანელობით 12-16 მარტს ოფიციალური ვიზიტით შვეიცარიას და ლიხტენშტაინს სტუმრობს. ვიზიტის ფარგლებში შალვა პაპუაშვილი შვეიცარიის კონფედერაციის ეროვნული საბჭოს პრეზიდენტს, ერიკ ნუსბაუმერს შეხვდა. ასევე დაგეგმილია ორმხრივი შეხვედრები შვეიცარიის მთავრობის წარმომადგენლებთან, ასევე ლიხტენშტაინის პრემიერ-მინისტრთან და პარლამენტის თავმჯდომარესთან.
შეხვედრა შვეიცარიის ეროვნული საბჭოს პრეზიდენტთან
13 მარტს პარლამენტის თავმჯდომარე შალვა პაპუაშვილი შვეიცარიის ეროვნული საბჭოს პრეზიდენტს, ერიკ ნუსბაუმერს შეხვდა. შალვა პაპუაშვილმა მადლიერება გამოხატა საქართველოს სუვერენიტეტისა და ტერიტორიული მთლიანობისადმი შვეიცარიის მტკიცე მხარდაჭერისთვის, ასევე, საოკუპაციო ხაზით გაყოფილ მოსახლეობას შორის შერიგებისა და ნდობის აღდგენის საქმეში შეტანილი წვლილისთვის.
საქართველოს პარლამენტის ინფორმაციით, მხარეებმა მიმოიხილეს ორ ქვეყანას შორის არსებული „მჭიდრო საპარლამენტო კავშირები“. შალვა პაპუაშვილმა დადებითად შეაფასა 2022 წელს, შვეიცარიის ეროვნული საბჭოს პრეზიდენტის ვიზიტი საქართველოში და აღნიშნა, რომ მისი საპასუხო ვიზიტი შვეიცარიაში „დადებით მუხტს სძენს საქართველო-შვეიცარიის ურთიერთობებს“. მხარეებმა აგრეთვე მიმოიხილეს წარმატებული სექტორული თანამშრომლობა ჯანდაცვის, პროფესიული განათლების, სოფლის მეურნეობის, ვაჭრობის და სხვა მიმართულებებით.
შეხვედრის შემდეგ სოციალურ მედიაში გამოქვეყნებულ პოსტში, შალვა პაპუაშვილმა ხაზი გაუსვა საქართველოს მზადყოფნას „მომდევნო წლებში კიდევ უფრო გააძლიეროს ჩვენი პარტნიორობა განათლების, ჯანდაცვის, ვაჭრობის, სოფლის მეურნეობის, ხალხთა შორის კავშირების სფეროში“.
Warm discussion with @enussbi, President of the Switzerland's National Council in Bern, the heart of Swiss democracy. We are grateful for 🇨🇭's support towards 🇬🇪's territorial integrity, as well as democratic & socio-economic transformation. We stand ready to further enhance our… pic.twitter.com/QIR6kR8lzF
— Shalva Papuashvili 🇬🇪 (@shpapuashvili) March 13, 2024
შეხვედრა შვეიცარიის საგარეო საქმეთა მინისტრთან
საქართველოს პარლამენტის თავმჯდომარე შალვა პაპუაშვილი შვეიცარიის კონფედერაციის საგარეო საქმეთა მინისტრს იგნაციო კასისს შეხვდა. შეხვედრაზე აღინიშნა, რომ საქართველოსა და შვეიცარიას შორის ურთიერთობები ინტენსიურად ვითარდება, როგორც აღმასრულებელ, ისე საკანონმდებლო დონეზე.
„შალვა პაპუაშვილმა შვეიცარულ მხარეს მადლობა გადაუხადა საქართველოს სუვერენიტეტისა და ტერიტორიული მთლიანობის მხარდაჭერისთვის. ასევე, ხაზგასმით აღნიშნა შვეიცარიის, როგორც შუამავლის მნიშვნელოვანი როლი, თბილისსა და მოსკოვს შორის დიპლომატიური ურთიერთობების გაწყვეტის შემდეგ“, – ნათქვამია საქართველოს პარლამენტის პრესრელიზში.
მხარეებმა ისაუბრეს საქართველოს ევროკავშირში გაწევრიანების გზაზე მიღწეულ პროგრესზე, ასევე, სამხრეთ კავკასიის რეგიონში არსებულ ვითარებაზე.
Had the opportunity to meet @shpapuashvili, Chairman of the Parliament of #Georgia, during his visit to the @ParlCH 🇨🇭
— Ignazio Cassis (@ignaziocassis) March 13, 2024
We discussed regional questions and European integration. pic.twitter.com/mXZAx9ACub
შეხვედრა შვეიცარიის სახელმწიფო საბჭოს პრეზიდენტთან
შალვა პაპუაშვილი შვეიცარიის სახელმწიფო საბჭოს პრეზიდენტს, ევა ჰერცოგს შეხვდა. მხარეებმა ორ ქვეყანას შორის არსებული თანამშრომლობა განიხილეს. პაპუაშვილმა მადლობა გადაუხადა ევა ჰერცოგს შვეიცარიის მიერ საქართველოს ტერიტორიული მთლიანობის, კონფლიქტების მოგვარებისა და დემოკრატიული პროგრესის მხარდაჭერისთვის.
მხარეებმა ისაუბრეს ორი ქვეყნის საკანომდებლო ორგანოებს შორის კავშირებზე, მათ შორის, მაღალი დონის ვიზიტების მნიშვნელობაზე. მათ ასევე განიხილეს საქართველოს პარლამენტის საქმიანობა, საერთაშორისო უსაფრთხოების გამოწვევები და ევროპული ინტეგრაციის მიმართულებით საქართველოს გეგმები.
Grateful to @EvaHerzog_BS, President of Switzerland’s Council of States, for hosting the Georgian parliamentary delegation and having an engaging discussion on growing bilateral partnership between 🇬🇪&🇨🇭, incl. on the parliamentary level, 🇬🇪's European integration plans, as well… pic.twitter.com/FcSasUc81s
— Shalva Papuashvili 🇬🇪 (@shpapuashvili) March 13, 2024
შეხვედრა შვეიცარიის განვითარებისა და თანამშრომლობის სააგენტოს დირექტორთან
საქართველოს პარლამენტის თავმჯდომარე შალვა პაპუაშვილმა და შვეიცარიის განვითარებისა და თანამშრომლობის სააგენტოს დირექტორმა პატრიცია დანციმ საქართველოში განხორციელებული პროექტები განიხილეს.
საუბარი ასევე შეეხო სოციალური და გარემოს დაცვის, სოფლის მეურნეობის, განათლების და სხვა მიმართულებებით მიმდინარე აქტივობებს და მომავალი თანამშრომლობის საკითხებს. აგრეთვე, მხარეებმა მიმოიხილეს შავი ზღვისა და სამხრეთ კავკასიის რეგიონში მიმდინარე გეოპოლიტიკური ძვრები, საქართველოს ევროპული ინტეგრაციის პროცესები და ქვეყანაში მიმდინარე დემოკრატიული რეფორმები.
შეხვედრა ლიხტენშტაინის პრემიერ-მინისტრთან
15 მარტს საქართველოს პარლამენტის თავმჯდომარე შალვა პაპუაშვილი ლიხტენშტaინის პრემიერ-მინისტრს დანიელ რიშს შეხვდა. პაპუაშვილმა მადლობა გადაუხადა ლიხტენშტაინს საქართველოს ტერიტორიული მთლიანობის მხარდაჭერისთვის.
მხარეებმა ასევე განიხილეს საქართველოს ევროპული დღის წესრიგი, მიმდინარე რეფორმები და სამომავლო სტრატეგიები. პრემიერ-მინისტრმა რიშმა, თავის მხრივ, მადლობა გადაუხადა საქართველოს ლიხტენშტაინის პრიორიტეტების მხარდაჭერისთვის ევროპის საბჭოში მისი თავმჯდომარეობის პერიოდში. მან დაადასტურა ერთგულება გაეროსა და ევროპის საბჭოში საქართველოს შესახებ რეზოლუციების მხარდაჭერის მიმართ. მხარეებმა ასევე ხაზი გაუსვეს სავაჭრო და ეკონომიკური კავშირების გაღრმავების მნიშვნელობას, განსაკუთრებით საქართველოსა და ევროპის თავისუფალი ვაჭრობის ასოციაციის (EFTA) ქვეყნებს შორის თავისუფალი ვაჭრობის შეთანხმების ფარგლებში.
Honored to discuss friendly ties between Georgia and Liechtenstein with Prime-Minister @DrDanielRisch, in the frames of first official visit to 🇱🇮. Our partnership is based on and respecting the fundamental principles of international law. We stand ready to enhance bilateral… pic.twitter.com/GL2JcrtWMg
— Shalva Papuashvili 🇬🇪 (@shpapuashvili) March 15, 2024
შეხვედრა ლიხტენშტაინის პარლამენტის თავმჯდომარესთან
შალვა პაპუაშვილი ლიხტენშტაინის სამთავროს პარლამენტის თავმჯდომარეს ალბერტ ფრიკს შეხვდა. პარლამენტების თავმჯდომარეებმა ყურადღება გაამახვილეს ორ ქვეყანას შორის „ნაყოფიერ თანამშრომლობაზე“ საერთაშორისო ორგანიზაციების ფარგლებში.
შალვა პაპუაშვილმა აღნიშნა, რომ საქართველო მხარს უჭერს ევროპის საბჭოს მინისტრთა კომიტეტში ლიხტენშტაინის თავმჯდომარეობის პრიორიტეტებს. მხარეებმა აგრეთვე მიმოიხილეს საპარლამენტო თანამშრომლობა, პარტნიორობა სხვადასხვა სექტორული მიმართულებით, საქართველოს პროგრესი ევროკავშირში გაწევრიანების გზაზე, რუსეთის მიერ საქართველოს რეგიონების ოკუპაცია და შავი ზღვის რეგიონში არსებული უსაფრთხოების გამოწვევები.
Pleased to meet Albert Frick, President of the #Landtag of #Liechtenstein. Underscored the importance of first official visit to 🇱🇮. We are committed to enhancing parliamentary partnership as well as economic ties bilaterally and in frames of EFTA. We are thankful for 🇱🇮's… pic.twitter.com/MNVtmhzpUL
— Shalva Papuashvili 🇬🇪 (@shpapuashvili) March 15, 2024
This post is also available in: English (ინგლისური) Русский (რუსული)