ეროვნულმა ბანკმა მონეტარული პოლიტიკის განაკვეთი 10.5%-ზე დატოვა
საქართველოს ეროვნული ბანკის მონეტარული პოლიტიკის კომიტეტის 21 ივნისის გადაწყვეტილებით, რეფინანსირების განაკვეთი უცვლელად, 10.5%-ზე დარჩა.
ბანკის ინფორმაციით, საქართველოში ინფლაციას შემცირების ტენდენცია აქვს და მიმდინარე წლის მაისში წლიური ინფლაცია 1.5%-მდე (აპრილში – 2.7), ხოლო საბაზო ინფლაცია 3.9%-მდე (აპრილში – 4.7) შემცირდა. ადგილობრივი ინფლაციის დონე კვლავ მაღალია და მაისში 9.1% შეადგინა.
ინფლაცია მომდევნო თვეებში მიზნობრივი დონის ქვემოთ შენარჩუნდება, ხოლო საშუალოვადიან პერიოდში 3%-იანი მაჩვენებლის ირგვლივ დასტაბილურდება, განაცხადა ეროვნულმა ბანკმა.
„ეკონომიკური აქტივობა მოსალოდნელზე მაღალია და 2023 წლის პირველი ოთხი თვის საშუალო ეკონომიკური ზრდა 7.7%-ია, რაც მოთხოვნის მხრიდან წარმოქმნილ პოტენციურ ინფლაციურ ზეწოლას საყურადღებოს ხდის“, – ნათქვამია ბანკის განცხადებაში
მონეტარული პოლიტიკის კომიტეტის წინა სხდომაზე, ინფლაციური ტენდენციებისა და პროგნოზის გათვალისწინებით, საქართველოს ეროვნულმა ბანკმა გამკაცრებული მონეტარული პოლიტიკიდან ეტაპობრივი გამოსვლა დაიწყო, რაც პოლიტიკის განაკვეთის მხოლოდ ზომიერი ბიჯებით შემცირებას გულისხმობს.
მონეტარული პოლიტიკის კომიტეტის შემდეგი სხდომა 2023 წლის 2 აგვისტოს ჩატარდება.
ასევე წაიკითხეთ:
- 10/05/2023 – ეროვნულმა ბანკმა რეფინანსირების განაკვეთი 11%-დან 10.5%-მდე შეამცირა
- 29/03/2023 – ეროვნულმა ბანკმა რეფინანსირების განაკვეთი 11%-ზე დატოვა
- 01/02/2023 – ეროვნულმა ბანკმა რეფინანსირების განაკვეთი 11%-ზე დატოვა
This post is also available in: English (ინგლისური) Русский (რუსული)
