60-ზე მეტი მედიასაშუალება ეწინააღმდეგება „უცხოური გავლენის აგენტებზე“ კანონპროექტს

60-ზე მეტი მედიასაშუალება 27 თებერვალს გავრცელებული ერთობლივი განცხადებით ეწინააღმდეგება „უცხოური გავლენის აგენტების“ შესახებ საპარლამენტო უმრავლესობის დეპუტატების მიერ ინიცირებულ კანონპროექტს და მიიჩნევს, რომ მისი მიზანია „აღარ ისმოდეს კრიტიკული ხმა, მედიამ და საზოგადოებრივმა ორგანიზაციებმა ვეღარ ასახონ ქვეყანაში არსებული კორუფცია, უსამართლობა და სიღარიბე“.

• 29/12/2022 – FARA დამდეგი ავტორიტარიზმის ფარად

„ამას ადასტურებს წლების წინ რუსეთში მიღებული ანალოგიური კანონის შედეგები – დაიხურა სამოქალაქო და მედიაორგანიზაციები, ჟურნალისტები კი დევნის მსხვერპლნი გახდნენ“, – აცხადებენ ისინი.

ხელმომწერები მიიჩნევენ, რომ კანონპროექტის მიღება აგრეთვე აზიანებს ევროკავშირში გაწევრების პროცესს, რაზეც ევროკავშირის უმაღლესმა წარმომადგენლობამაც „მკაფიოდ მიუთითა“. „შესაბამისად, წარდგენილი საკანონმდებლო ცვლილება საქართველოს განვითარებას აფერხებს და დღეს გაჩენილ შესაძლებლობის ფანჯარას ხურავს“, – განმარტავენ ისინი.

ხაზს უსვამენ რა, რომ ისინი საზოგადოებას ემსახურებიან და ჩვენი ქვეყნის მომავალი აღელვებთ, მედიასაშუალებები აღნიშნავენ, რომ არ აპირებენ „ამ იარლიყით მუშაობას“. „შესაბამისად, რუსული კანონის მიღების შემთხვევაში, უარს ვაცხადებთ „უცხოური გავლენის აგენტად” რეგისტრაციაზე. ეს შეურაცხყოფს ჩვენს პროფესიულ ღირსებას“, – ვკითხულობთ განცხადებაში.

ასევე წაიკითხეთ:

• 27/02/2023 – გაეროს წარმომადგენლობა საქართველოში „შეშფოთებულია“ უცხოელი გავლენის აგენტებზე კანონპროექტით
• 25/02/2023 – ბორელის პრესსპიკერმა უცხოური გავლენის აგენტების შესახებ კანონპროექტზე კრიტიკული განცხადება გამოაქვეყნა 
• 23/02/2023 – „საერთაშორისო გამჭვირვალობა“: საქართველომ არ უნდა მიიღოს „უცხოელ აგენტებზე“ კანონი
• 22/02/2023 – მმართველი გუნდი უცხოური გავლენის აგენტების შესახებ კანონპროექტის დადებით მხარეებზე საუბრობს
• 21/02/2023 – „ხალხის ძალა“ უცხოური გავლენების აგენტების შესახებ ალტერნატიულ კანონპროექტს დაარეგისტრირებს
• 20/02/2023 – პრეზიდენტი უცხოური გავლენის აგენტების შესახებ კანონპროექტს მხარს არ დაუჭერს
• 17/02/2023 – ომბუდსმენი უცხოური გავლენის აგენტების შესახებ კანონპროექტს აკრიტიკებს
• 17/02/2023 – საქართველოზე PACE-ის მომხსენებლები მოუწოდებენ პარტიებს არ მიიღონ „უცხოური გავლენის აგენტების“ შესახებ კანონპროექტი
• 16/02/2023 – აშშ „ღრმად შეშფოთებულია“ უცხოური გავლენის აგენტების შესახებ კანონპროექტით

This post is also available in: English (ინგლისური) Русский (რუსული)