შსს-მ „საზოგადოებრივი მაუწყებლის“ ოპერატორზე ძალადობისთვის ერთი პირი დააკავა
შინაგან საქმეთა სამინისტროს 14 ივლისის განცხადებით, 5 ივლისს, ულტრამემარჯვენე და ულტრაკონსერვატიული ჯგუფების მხრიდან ჟურნალისტებზე თავდასხმის საქმეზე საზოგადოებრივი მაუწყებლის ოპერატორ ილია თვალიაშვილზე ძალადობის ბრალდებით კიდევ ერთი პირი დააკავეს.
დაკავებულის მიმართ გამოძიება ჟურნალისტისათვის პროფესიულ საქმიანობაში უკანონოდ ხელის შეშლის (154-ე), დევნის (156-ე) და ჯგუფური ძალადობის ორგანიზება, ხელმძღვანელობა ან მასში მონაწილეობა (225-ე) მუხლებით მიმდინარეობს.
თვალიაშვილს თავდასხმისას, სავარაუდოდ, ქიმიური ნივთიერება შეასხეს, რის შედეგადაც მას თვალები დაუზიანდა. მედიის ცნობით, მასზე თავდასხმაში 10-მდე პირი მონაწილეობდა.
5 ივლისს ჟურნალისტებზე მასობრივი თავდასხმებისას სულ მცირე 53 ჟურნალისტი დაშავდა. შსს-მ ჟურნალისტებზე თავდასხმების საქმეზე ჯამში 18 პირი დააკავა.
ასევე წაიკითხეთ:
- „ტვ პირველის“ გადამღებ ჯგუფზე თავდასხმისთვის კიდევ ერთი პირი დააკავეს
- ჟურნალისტებზე თავდასხმის საქმეზე შსს-მ კიდევ 4 პირი დააკავა
- 5 ივლისის მოვლენებზე შსს-მ კიდევ 8 პირი დააკავა
- შსს-მ ულტრამემარჯვენე ჯგუფების აქციაზე 102 პირი დააკავა
- შსს-მ ჟურნალისტებზე თავდასხმის საქმეზე 3 პირი დააკავა
This post is also available in: English (ინგლისური) Русский (რუსული)
