სენატმა საქართველოში ელჩის თანამდებობაზე კელი დეგნანის კანდიდატურას მხარი დაუჭირა

ამერიკის შეერთებული შტატების სენტამა 19 დეკემბერს საქართველოში საგანგებო და სრულუფლებიანი ელჩის თანამდებობაზე კელი დეგნანის კანდიდატურას მხარი დაუჭირა.

კელი დეგნანმა საქართველოში მისი პრიორიტეტების შესახებ 29 ოქტომბერს, სენატის საგარეო ურთიერთობათა კომიტეტში მისი კანდიდატურის მოსმენისას ისაუბრა.

მან გამოსვლისას დიდი ყურადღება სამხედრო და უსაფრთხოების საკითხებზე გაამახვილა. დეგნანმა რუსულ ოკუპაციაზეც ისაუბრა და კანონის უზენაესობისა და „ფუნდამენტური“ დემოკრატიისადმი საქართველოს ერთგულებასაც გაუსვა ხაზი.

• აშშ-ის წარდგენილი ელჩი საქართველოში პრიორიტეტებზე საუბრობს

საქართველოში ელჩის თანამდებობაზე კელი დეგნანი აშშ-ის პრეზიდენტმა დონალდ ტრამპმა სექტემბრის დასაწყისში დაასახელა.

საქართველოში ელჩად წარდგენამდე იგი დიპლომატიური მისიით რომში, პრიშტინაში, ანკარაში, ბრიუსელსა და ხოსტში (ავღანეთში) მოღვაწეობდა.

ამჟამად საქართველოში აშშ-ის ელჩის მოვალეობას ელიზაბეთ რუდი ასრულებს.

This post is also available in: English (ინგლისური) Русский (რუსული)