სასამართლომ ბექა გრიგორიადისს და მის ძმას სასჯელი შეუფარდა

თბილისის საქალაქო სასამართლომ ლაზარე გრიგორიადისის მამას, ბექა გრიგორიადისს ხუთდღიანი ადმინისტრაციული პატიმრობა შეუფარდა. მას სასამართლო დარბაზში ხელბორკილი დაადეს.  

სასამართლომ მის ძმას, კახა გრიგორიადისს ადმინისტრაციულ სამართალდარღვევაში დასდო ბრალი და 2500-ლარიანი ჯარიმა შეუფარდა.

ბექა და კახა გრიგორიადისები „შეკრებებისა და მანიფესტაციების შესახებ“ კანონში ცვლილების წინააღმდეგ 5 ოქტომბერს პარლამენტის წინ გამართული საპროტესტო აქციის დროს დააკავეს.  ბექა გრიგორიადისი ადმინისატრაციულ სამართალდარღვევათა კოდექსის 173-ე მუხლით დააკავეს, რაც პოლიციელის კანონიერი მოთხოვნისადმი დაუმორჩილებლობას გულისხმობს, მისი ძმა კი 173-ე და 166-ე მუხლებით, რაც წვრილმან ხულიგნობას გულისხმობს.

ასევე წაიკითხეთ:

• 06/10/2023 – პარლამენტმა „შეკრებებისა და მანიფესტაციების შესახებ“ კანონში ცვლილება მიიღო
• 27/06/2023 – ლაზარე გრიგორიადისი წინასწარ პატიმრობაში რჩება
• 21/06/2023 – ლაზარე გრიგორიადისის მამამ პროტესტის ნიშნად თვალი და პირი ამოიკერა
• 03/06/2023 – სასამართლომ ლაზარე გრიგორიადისის მამა 2 000 ლარით დააჯარიმა

This post is also available in: English (ინგლისური)