პროკურატურამ სოსო გოგაშვილს ბრალი დაუმძიმა 

საქართველოს პროკურატურამ 11 ოქტომბერს განაცხადა, რომ წინასწარ პატიმრობაში მყოფ სახელმწიფო უსაფრთხოების სამსახურის უფროსის ყოფილ მოადგილეს, იოსებ (სოსო) გოგაშვილს სახელმწიფო საიდუმლოების განზრახ გახმაურებისა და პირადი ცხოვრების საიდუმლოს ხელყოფის ფაქტებზე დამატებითი ბრალი წარუდგინეს.

საგამოძიებო უწყების ცნობით, ამ მომენტისთვის, გოგაშვილს ბრალი 157-ე (მე-4); 157¹-ე (I); 236-ე (მე-3); 320-ე (I) და 333-ე (I) მუხლებით ედება, რაც სასჯელის სახით 4-7 წლამდე თავისუფლების აღკვეთას ითვალისწინებს.

პროკურატურის განმარტებით, დამატებითი ბრალის წარდგენა მას შემდეგ გახდა საჭირო, რაც გამოძიებამ დაადგინა, რომ ბრალდებულმა სახელმწიფო უსაფრთხოების სამსახურიდან უკანონოდ გატანილი საიდუმლო მასალები საკუთარ სახლში შეინახა, რითაც სახელმწიფო საიდუმლოების გახმაურების საფრთხე შექმნა, ხოლო ინფორმაციის ნაწილი – პერსონალური მონაცემები – საჯარო სივრცეში მისი მონაწილეობით გავრცელდა, რამაც მნიშვნელოვანი ზიანი გამოიწვია.

ამავე ინფორმაციით, გოგაშვილმა სახელმწიფო უსაფრთხოების სამსახურიდან უკანონოდ გატანილი საიდუმლო ინფორმაციის ნაწილი სხვა პირს გადასცა, რითაც მან განზრახ გათქვა სახელმწიფო საიდუმლოება.

გამოძიებით ასევე დადგინდა, რომ გოგაშვილს უკანონოდ ჰქონდა მოპოვებული არაერთი პირის პირადი ცხოვრების საიდუმლოს ამსახველი ვიდეომასალა, რომლებსაც მის კუთვნილ ელექტრონულ მოწყობილობებში უკანონოდ ინახავდა.

ასევე წაიკითხეთ:

• 14/07/2022 – მედიაკოალიცია „მთავარი არხის“ ჟურნალისტებზე სავარაუდო მიყურადების გამოძიებას ითხოვს
• 15/07/2022 – ომბუდსმენი „შემაშფოთებლად“ მიიჩნევს ჟურნალისტებზე შესაძლო უკანონო მიყურადებაზე ცნობებს
• 16/07/2022 – სუს-ის უფროსის ყოფილი მოადგილე დააკავეს
• 18/07/2022 – პროკურატურამ სოსო გოგაშვილს ბრალი სამი მუხლით წარუდგინა
• 21/07/2022 – არასამთავრობოები მმართველი პარტიის მიერ არჩევნების გაყალბების სავარაუდო სქემაზე საუბრობენ
• 27/07/2022 – გოგაშვილი მუხთარლის გატაცებასა და შს მინისტრის ყოფილი მოადგილის ცემას ივანიშვილს უკავშირებს
• 29/07/2022 – არასამთავრობოები გოგაშვილის უფლებებისა და უსაფრთხოების დაცვის აუცილებლობაზე საუბრობენ
• 01/08/2022 – გოგაშვილის მიერ არასამთავრობოებისთვის გადაცემულ მასალებზე გამოძიება დაიწყო
• 11/08/2022 – სოსო გოგაშვილის თქმით, ბიძინა ივანიშვილი „ოჯახის განადგურებით“ დაემუქრა
• 19/08/2022 – ვახტანგ გომელაური სოსო გოგაშვილის ბრალდებებს უარყოფს
• 24/08/2022 – ომბუდსმენმა სოსო გოგაშვილის მიმართ შესაძლო მუქარაზე მოკვლევის შედეგები გამოაქვეყნა
• 30/08/2022 – იუსტიციის მინისტრი რუსთავის ციხეში ჩამწერი მოწყობილობების დაზიანების შესახებ კითხვებს პასუხობს
• 16/09/2022 – არასამთავრობოები საქართველოსა და რუსეთის სპეცსამსახურების სავარაუდო კავშირზე გამოძიებას ითხოვენ
• 16/09/2022 – შინაგან საქმეთა მინისტრი უსაფრთხოების სამსახურის FSB-სთან თანამშრომლობას უარყოფს

This post is also available in: English (ინგლისური) Русский (რუსული)