ევროკავშირი მიესალმება ოპოზიციის ნაწილის პარლამენტში შესვლასა და რურუას შეწყალებას
საქართველოში ევროკავშირის დელეგაცია, 27 აპრილს გავრცელებული განცხადებით, მიესალმა ქართველ პოლიტიკოსთა მიერ 19 აპრილის შეთანხმების კვალად გადადგმულ ნაბიჯებს, კერძოდ, ოპოზიციონერი დეპუტატების ნაწილის პარლამენტში შესვლასა და და პრეზიდენტ სალომე ზურაბიშვილის მიერ „მთავარი არხის“ მეწილის გიორგი რურუას შეწყალებას.
„მმართველმა და ოპოზიციურმა პარტიებმა ერთად აირჩიეს [პარლამენტის] ახალი თავმჯდომარე და ამზადებენ კანონპროექტს პოლიტიზებულად აღქმული მართლმსაჯულების საკითხის მოსაგვარებლად“, – თქვა ევროკავშირის წარმომადგენლობამ.
„ამ რთული გადაწყვეტილებების მიღებას მნიშვნელოვანი პოლიტიკური გამბედაობა სჭირდებოდა. ველოდებით შემდგომ ნაბიჯებს შეთანხმების შესასრულებლად, [გაწერილი] ვადების შესაბამისად, რათა საქართველოს დემოკრატიისა და კანონის უზენაესობის დღის წესრიგმა წინ წაიწიოს“, – ნათქვამია განცხადებაში.
„კიდევ ერთხელ მოვუწოდებთ პარლამენტის ყველა არჩეულ წევრს, ხელი მოაწერონ შეთანხმებას და ხელი შეუწყონ მის შესრულებას, საქართველოს, მისი მოქალაქეების, ევროკავშირ-საქართველოს ურთიერთობებისა და საქართველოს ევრო-ატლანტიკური მომავლის ინტერესებიდან გამომდინარე“, – განაცხადა ევროკავშირის წარმომადგენლობა.
- ქართულმა ოცნებამ და ოპოზიციის ნაწილმა ევროკავშირის კომპრომისულ დოკუმენტს ხელი მოაწერეს
- კომპრომისული შეთანხმების ამნისტიის პუნქტმა უთანხმოება გამოიწვია
- 19 აპრილის შეთანხმება: მელიას გათავისუფლების მექანიზმები დავის საგანი გახდა
This post is also available in: English (ინგლისური) Русский (რუსული)
