ახალი ამბები

ქართული ოცნების საზოგადოებასთან ურთიერთობის მდივნად შალვა პაპუაშვილი დაინიშნა

ქართული ოცნების პოლიტიკური საბჭოს 27 მარტის გადაწყვეტილებით, პარტიის საზოგადოებასთან ურთიერთბის მდივნად დეპუტატი შალვა პაპუაშვილი დაინიშნა.

შალვა პაპუაშვილი პარლამენტში 2020 წლის საპარალამენტო არჩევნების შემდეგ, ქართული ოცნების პროპორციული საარჩევნო სიით მოხვდა. იგი ილიას სახელმწიფო უნივერსიტეტის სამართლის სკოლის ასოცირებული პროფესორიცაა. გერმანიის საარლენდის უნივერსიტეტის კურსდამთავრებულ პაპუაშვილს, კერძო და საერთაშორისო კომპანიებში მუშაობის გამოცდილება აქვს, მათ შორის, იყო გერმანიის საერთაშორისო თანამშრომლობის საზოგადოების (GIZ) ჯგუფის ხელმძღვანელი.

აღსანიშნავია, რომ პაპუაშვილი პარლამენტში ცოტა ხნის წინ შექმნილი საარჩევნო რეფორმაზე მომუშავე ჯგუფის თანათავმჯდომარეა, რომელიც ქართულ ოცნებასა და პარტია მოქალაქეებს შორის მიღწეული შეთანხმების ფარგლებში შეიქმნა. მოქალაქეები 29 იანვარს მმართველ გუნდთან შეთანხნების შემდეგ, პარლამენტისთვის ოპოზიციის მიერ გამოცხადებულ საერთო ბოიკოტს გამოეთიშნენ და საკანონმდებლო საქმიანობაში ჩართვა გადაწყვიტეს.

This post is also available in: English (ინგლისური) Русский (რუსული)

მსგავსი/Related

Back to top button