Placeholder canvas
ახალი ამბები

გაერთიანებულ სამეფოს საქართველოში ახალი ელჩი ეყოლება

გაერთიანებული სამეფოს მთავრობამ 17 ივნისს საქართველოში ბრიტანეთის ახალ ელჩად მარკ კლეიტონის დანიშვნის შესახებ განცხადება გაავრცელა. კლეიტონი, რომელიც ელჩის თანამდებობაზე ჯასტინ მკკენზი სმიტს შეცვლის, უფლებამოსილების შესრულებას 2020 წლის აგვისტოდან შეუდგება.

ამავე განცხადების თანახმად, ახალდანიშნული ელჩი 2018 წლიდან, ბრიტანეთის საგარეო საქმეთა სამინისტროში ევროპის უსაფრთხოებისა და თავდაცვის საკითხების დეპარტამენტის უფროსის მოადგილედ მუშაობდა. მანამდე, 2017-2018 წლებში, იგი მოსკოვში დესპანის რანგში მსახურობდა.

1997 წლიდან კლეიტონს, რომელიც კარიერული დიპლომატია, საგარეო საქმეთა სამინისტროში სხვადასხვა თანამდებობები ეკავა, მათ შორის, მსახურობდა ბალტიისპირეთის ქვეყნების დეპარტამენტში (1997-1998 წწ.), იყო ევროკავშირი-ყოფილი საბჭოთა ქვეყნების ურთიერთობების ჯგუფის ხელმძღვანელი (2004-2005 წწ.), დიდი რვიანის ჯგუფის ხელმძღვანელი (2005-2007 წწ.) და კონტრტერორისტული დეპარტამენტის ხელმძღვანელის მოადგილე (2010-2014 წწ.).

This post is also available in: English (ინგლისური) Русский (რუსული)

მსგავსი/Related

Back to top button