ახალი ამბები

სოხუმმა საქართველოს სამი მოქალაქე დააკავა

Tags

რუსეთის საოკუპაციო ძალების წარმომადგენლებმა წალენჯიხის მუნიციპალიტეტის სოფელ ფახულანის მიმდებარედ საქართველოს სამი მოქალაქე დააკავეს.

საქართველოს სახელმწიფო უსაფრთხოების სამსახურის ცნობით, 6 ივნისს მომხდარი უკანონო დაკავების ფაქტზე თბილისმა მყისვე აცნობა ევროკავშირის სადამკვირვებლო მისიას და გაააქტიურა ე.წ. ცხელი ხაზი. სუს-ის განცხადებით, მომხდარზე ინფორმირებულნი არიან ჟენევის საერთაშორისო დისკუსიების თანათავმჯდომარეებიც.

„საოკუპაციო ძალების მიერ განხორციელებული უკანონო დაკავებები აზიანებს ადგილზე არსებულ უსაფრთხოების გარემოს და უკიდურესად ართულებს ადგილობრივი მოსახლეობის ყოველდღიურ ცხოვრებას“, წერს სახელმწიფო უსაფრთხოების სამსახური.

სუს-ის თქმით, „საერთაშორისო პარტნიორებთან ერთად მიმდინარეობს მუშაობა უკანონო პატიმრობაში მყოფ პირთა გათავისუფლების მიზნით“. 

ოკუპირებული აფხაზეთის „კაგებეს“ („სახელმწიფო უშიშროების კომიტეტი“) ცნობით, დაკავებულებს – ბუთხუზ კვირკვიას, მიხეილ ლამანძიასა და მათე ლამანძიას – ბრალად  „სახელმწიფო საზღვრის ჯგუფურად უკანონოდ გადაკვეთა“ ედებათ ბრალად.

This post is also available in: English (ინგლისური) Русский (რუსული)

მსგავსი/Related

Back to top button