ახალი ამბები

სოფელ მუცოს რეაბილიტაციის პროექტს „ევროპა ნოსტრას“ ჯილდო გადაეცა

Tags

ხევსურეთის რეგიონში მდებარე ციხე-სოფელ მუცოს რეაბილიტაციის პროექტს „ევროპა ნოსტრას“ ჯილდო გადაეცა და მემკვიდრეობის სფეროში „საზოგადოების რჩეული“ გახდა.

„ევროპა ნოსტრას“ ინფორმაციით, საქართველო გამარჯვებულად 8 500 ადამიანმა დაასახელა, რომელთაც ევროპის მემკვიდრეობის სფეროში ფავორიტ მიღწევებს ხმა ონლაინ გამოკითხვის გზით მისცეს.

29 ოქტომბერს პარიზის შატლეს თეატრში გამართულ დაჯილდოების ცერემონიაზე პრეზიდენტმა სალომე ზურაბიშვილმა განაცხადა, რომ „მუცო არის საქართველო და მუცო არის ევროპა“.

ევროპული მემკვიდრეობის პრიზი/ევროპა ნოსტრას“ ჯილდო, რომელსაც ევროკომისიამ 2002 წელს ჩაუყარა საფუძველი, Creative Europe-ის მხარდაჭერით „ევროპა ნოსტრას“ მიერ ხორციელდება.

„ევროპა ნოსტრას“ თქმით, სოფელი მუცო „ღირშესანიშნავი, ფორტიფიცირებული დასახლებაა, რომელიც საუკუნეების მანძილზე ჩრდილოეთ საქართველოს უძლიერესი საგუშაგო იყო, რომელიც გზებს აკონტროლებდა და სახელმწიფო საზღვარს იცავდა“.

თუმცა, „მკაცრი კლიმატის, სახნავი მიწების ნაკლებობის, ცუდი ინფრასტრუქტურისა და წყლის დეფიციტის გამო, მე-20 საუკუნის შუა პერიოდისთვის სოფელი მოსახლეობისგან დაიცალა“.

მუცოს აღდგენისა და გადარჩენის პროექტს 2014 წლიდან საქართველოს მთავრობის, საქართველოს განათლების, მეცნიერების, კულტურისა და სპორტის სამინისტროსა და ფონდი „ქართუ“ -ს მხარდაჭერით, კულტურული მემკვიდრეობის დაცვის ეროვნული სააგენტო ახორციელებს.

This post is also available in: English (ინგლისური) Русский (რუსული)

Show More

Related Articles

Back to top button