საპროტესტო აქციების ფონზე, საზოგადოებრივმა მაუწყებელმა სამეურვეო საბჭოს თავმჯდომარედ ვასილ მაღლაფერიძე ხელახლა აირჩია
საზოგადოებრივი მაუწყებლის სამეურვეო საბჭომ 3 აპრილს ვასილ მაღლაფერიძე საბჭოს თავმჯდომარედ ექვსწლიანი ვადით ხელახლა აირჩია, მიუხედავად კრიტიკოსების პროტესტისა, რომლებიც მას რუსული პროპაგანდის ხელშეწყობაში ადანაშაულებენ, ასევე დემონსტრანტების პროტესტისა, რომლებიც მისი გადადგომის მოთხოვნით უკვე რამდენიმე თვეა საზოგადოებრივი მაუწყებლის შენობასთან აქციებს მართავენ.
მაღლაფერიძემ, რომელიც ერთდაერთი კანდიდატი იყო, საბჭოს წევრთა რვა ხმა მიიღო. მის წინააღმდეგ ხმა მისცა საბჭოს სამმა წევრმა – ლიკა ბასილაია-შავგულიძემ, ზაზა აბაშიძემ და ლაშა ტუღუშმა. მაღლაფერიძემ საკუთარ თავს მისცა ხმა.
მაღლაფერიძე მანამდე 2021 წლის იანვარ-მარტში „ქართული ოცნების“ თავმჯდომარის მოადგილის თანამდებობას იკავებდა. მაუწყებლის საბჭოს თავმჯდომარის თანამდებობას ის 2022 წლიდან იკავებდა, მანამდე კი საზოგადოებრივი მაუწყებლის გენერალური დირექტორი იყო.
სამეურვეო საბჭო სულ თერთმეტ წევრისგან შედგება, სამი წარდგენილია უმრავლესობის, სამი ოპოზიციის, ორი სახალხო დამცველის და სამი აჭარის ავტონომიური რესპუბლიკის უმაღლესი საბჭოს მიერ.
საბჭოს სხდომაზე შავგულიძე მაღლაფერიძეს დაუპირისპირდა და თანამშრომლების არასათანადო მოპყრობასა და რუსული პროპაგანდის გავრცელებაში დაადანაშაულა. თუმცა, მაღლაფერიძემ აღნიშნა, რომ კანდიდატურას არ მოხსნიდა.
მაუწყებლის შენობის გარეთ აქციის მონაწილეები შეიკრიბნენ, რომელთაც ხელში ეკავათ ბარენი წარწერით „ხალხი იმსახურებს დამოუკიდებელ საზოგადოებრივ მაუწყებელს“ და სკანდირებდნენ „სირცხვილი! რუსი პროპაგანდისტი!“.
მაუწყებლის ორ თანამშრომელს, გადაცემა „რეალური სივრცის“ წამყვანს, ნინო ზაუტაშვილს და საინფორმაციო გამოშვების ყოფილ წამყვანს, ვასილ ივანოვ-ჩიქოვანს, რომელიც მაღლაფერიძის კრიტიკის შემდეგ გადაცემიდან ჩახსნეს, შეხვედრაზე დასწრების უფლება არ მისცეს.
ტუღუშმა ამ ფაქტს საზოგადოებრივი მაუწყებლის ირგვლივ არსებული სამწუხარო რეალობა უწოდა.
აქციის მონაწილეებს შორის იყვნენ ჟურნალისტი გურამ როგავა, რომელიც მძიმედ დაშავდა პროევროპული აქციების დარბევის დროს, და კინორეჟისორი სალომე ჯაში, რომელმაც საბჭოს რეპრესიული ორგანო უწოდა, რომელიც საკუთარ თანამშრომლებს დევნის.
ასევე წაიკითხეთ:
- 05/02/2025 – საზოგადოებრივმა მაუწყებელმა საინფორმაციო გადაცემის კრიტიკული წამყვანი ეთერიდან მოხსნა
- 30/01/2025 – მიმდინარე საპროტესტო აქციების ფონზე საზმაუს ხელმძღვანელობა კრიტიკის ქარცეცხლში მოექცა
This post is also available in: English Русский