უნგრეთის საგარეო საქმეთა მინისტრი თბილისს სტუმრობდა
საქართველოს პრემიერ-მინისტრი, ირაკლი ღარიბაშვილი 6 აპრილს თბილისში ვიზიტად მყოფ უნგრეთის საგარეო საქმეთა და ვაჭრობის მინისტრს, პიტერ სიიარტოს შეხვდა.
საქართველოს მთავრობის ადმინისტრაციის ინფორმაციით, შეხვედრაზე მხარეებმა სხვადასხვა სფეროში ორ ქვეყანას შორის არსებული ნაყოფიერი თანამშრომლობის დინამიკა და ევროინტეგრაციის პროცესში საქართველოს მიერ მიღწეული პროგრესი განიხილეს.
ამავე ინფორმაციით, მათვე ხაზი გაესვეს მწვანე ენერგეტიკის პროექტებისა და შავი ზღვის დაკავშირებადობის პრიორიტეტულობას და ამ კონტექსტში შავი ზღვის წყალქვეშა ელექტროკაბელის პროექტის სტრატეგიულ მნიშვნელობას. მათვე მზარდი ორმხრივი ვაჭრობის განვითარების დინამიკაც აღნიშნეს.
ირაკლი ღარიბაშვილმა პიტერ სიიარტოს ევროინტეგრაციის გზაზე ურყევი მხარდაჭერისთვის მადლობა გადაუხადა და აღინიშნა, რომ ევროკომისიის მიერ გამოქვეყნებული ანგარიში მკაფიოდ ასახავს ევროინტეგრაციის გზაზე საქართველოს მიერ მიღწეულ წინსვლას.
უნგრეთის საგარეო საქმეთა მინისტრი, ქართველ კოლეგას, ილია დარჩიაშვილსაც შეხვდა. შეხვედრის შემდეგ, დარჩიაშვილმა Twitter-ზე დაწერა, რომ ის მიესალმა უნგრელი კოლეგის ვიზიტს საქართველოში და მას საქართველოს „ნამდვილი მეგობარი“ უწოდა. მანვე აღნიშნა, რომ გაგრძელდება ურთიერთობები ორმხრივი ინტერესის მქონე სხვადასხვა სფეროში.
It is always a pleasure to welcome the true friend of Georgia – Hungarian FM Péter Szijjártó to Tbilisi.
We continue strengthening ?? ?? ties in various areas of mutual interest. pic.twitter.com/VE5IGiJhnS
— Ilia Darchiashvili (@iliadarch) April 6, 2023
ასევე წაიკითხეთ:
- 15/02/2023 – საქართველოსა და სლოვაკეთის საგარეო საქმეთა მინისტრებმა თანაშრომლობის ოქმი გააფორმეს
- 24/03/2023 – გერმანიის საგარეო საქმეთა მინისტრი საქართველოს სტუმრობს
This post is also available in: English (ინგლისური) Русский (რუსული)