აშშ-ისა და გერმანიის ელჩები „აგენტებზე“ კანონპროექტის საპარლამენტო განხილვას ეხმიანებიან
6 მარტს ჟურნალისტებთან საუბრისას, აშშ-ის ელჩმა საქართველოში, კელი დეგნანმა პარლამენტის იურიდიულ საკითხთა კომიტეტში უმრავლესობის მიერ მხარდაჭერილი „უცხოეთის აგენტების“ შესახებ რუსული ტიპის კანონპროექტების განხილვაზე ისაუბრა.
მან აღნიშნა, რომ გრძელდება ძალისხმევა, რათა „დავიყოლიოთ ან მოვუწოდოთ მთავრობას, რომ არ მიიღოს ეს კანონპროექტი“. ელჩი დეგნანის თქმით, საქართველოს სხვა მეგობრებთან ერთად, აშშ-მა, გაერომ, ევროკავშირმა და ევროპის საბჭომ სერიოზული შეშფოთება გამოხატეს ამ კანონპროექტთან დაკავშირებით, რომელიც, „სავარაუდოდ, სამოქალაქო საზოგადოების სტიგმატიზაციას მოახდენს, გააჩუმებს დამოუკიდებელ მედიას და განსხვავებულ ხმებს, ისევე, როგორც ეს მოხდა რუსეთში და რუსეთის მსგავს სხვა ქვეყნებში“.
აშშ-ის ელჩმა ასევე განაცხადა, რომ კანონპროექტის მიღების საჭიროება არ არსებობს, ვინაიდან სრულიად გამჭვირვალეა, თუ როგორ გამოიყენება უცხოური დახმარება საქართველოში.
ელჩი დეგნანის თქმით, კანონი დამანგრეველ გავლენას იქონიებს ქართულ ორგანიზაციებსა და ჯგუფებზე, რომლებიც ქვეყნის მასშტაბით კარგ საქმეს აკეთებენ სხვა ქართველების დასახმარებლად. „საჭიროა და მოვუწოდებთ პარლამენტს არ განიხილოს და გაიწვიოს კანონპროექტი. ის არ არის საჭირო და არც საქართველოს საუკეთესო ინტერესებში შედის“, – დასძინა აშშ-ის ელჩმა.
აშშ-ის ელჩის გერმანელმა კოლეგამ, ელჩმა პიტერ ფიშერმა Twitter-ზე დაწერა, რომ ევროკავშირის პოზიცია კანონპროექტთან დაკავშირებით იგივე რჩება და ევროპის საგარეო ქმედებათა სამსახურის ადრინდელი განცხადება მოიყვანა, რომლის თანახმადაც, „კანონპროექტის მიღება შეუსაბამო იქნება ევროკავშირში საქართველოს მისწრაფებებთან, ევროკავშირის ნორმებთან და ღირებულებებთან“.
As friends of #Georgia, the EU position on the draft law on “transparency of foreign influence” remains the same: "The draft law's adoption would be inconsistent with …Georgia's EU…aspirations and with EU norms and values." Saying this as a friend.https://t.co/kkW7jfnz5f
— Peter Fischer (@Diplo_Peter) March 6, 2023
ასევე წაიკითხეთ:
- 06/03/2023 – „აგენტებზე“ კანონპროექტების განხილვა პარლამენტში პროტესტისა და დაპირისპირების ფონზე განახლდა
- 02/03/2023 – აშშ-ის, ევროკავშირისა და ბრიტანეთის ელჩები „უცხოეთის აგენტებზე“ კანონპროექტს ეხმიანებიან
- 02/03/2023 – „აგენტებზე“ კანონპროექტის წინააღმდეგ აქციაზე 36 პირი დააკავეს
- 02/03/2023 – განახლება: პარლამენტის ორმა კომიტეტმა მხარი დაუჭირა „უცხოეთის აგენტებზე“ კანონპროექტებს
- 27/02/2023 – საპარლამენტო უმრავლესობამ „უცხოური გავლენის აგენტების“ შესახებ ალტერნატიული კანონპროექტი დაარეგისტრირა
- 27/02/2023 – აშშ-ის ელჩი „უცხოური გავლენის აგენტების“ შესახებ კანონპროექტსა და სებ-ის შესახებ საუბრობს
- 27/02/2023 – გაეროს წარმომადგენლობა საქართველოში „შეშფოთებულია“ უცხოელი გავლენის აგენტებზე კანონპროექტით
- 25/02/2023 – ბორელის პრესსპიკერმა უცხოური გავლენის აგენტების შესახებ კანონპროექტზე კრიტიკული განცხადება გამოაქვეყნა
- 16/02/2023 – აშშ „ღრმად შეშფოთებულია“ უცხოური გავლენის აგენტების შესახებ კანონპროექტით
- 15/02/2023 – „ხალხის ძალამ“ უცხოური გავლენის აგენტების შესახებ კანონპროექტი შეიმუშავა
This post is also available in: English (ინგლისური) Русский (რუსული)