არასამთავრობოები მიხეილ სააკაშვილის ჯანმრთელობის მდგომარეობას ეხმიანებიან

13 არასამთავრობო ორგნიზაცია, პატიმრობაში მყოფი საქართველოს ყოფილი პრეზიდენტის, მიხეილ სააკაშვილის ჯანმრთელობის მდგომარეობის „მნიშვნელოვნი გაუარესების“ შესახებ „ბოლო დღეებში გავრცელებულ ინფორმაციას“ ერთობლივი განცხადებით ეხმიანებიან.

• 27/04/2022 – ექიმების თქმით, მიხეილ სააკაშვილის ჯანმრთელობის მდგომარეობა „მნიშვნელოვნად გაუარესდა“

უფლებადამცველების განცხადებით, ყოფილი პრეზიდენტის ჯანმრთელობის მდგომარეობის დამძიმებას მისი მნახველებებიც ადასტურებენ და მისი ჯანმრთელობის მდგომარეობას ხაზს უსვამენ საერთაშორისო პარტნიორები და საქართველოს პრეზიდენტიც.

მათივე თქმით, „სამწუხაროდ“, მიხეილ სააკაშვილის ჯანმრთელობის მდგომარეობის „მნიშვნელოვნი დამძიმების“ შესახებ დასკვნის არსებობის შემთხვევაში, მისი უცხოეთში გადაყვანის შესახებ პრეზიდენტ ზურაბიშვილის განცხადებას ხელისუფლების მხრიდან „პოლიტიკური შინაარსის პასუხები მოჰყვა“. „[აღნიშული] ეწინააღმდეგება ადამიანის უფლებების დაცვის კუთხით სახელმწიფოს მიერ ნაკისრ ვალდებულებებს“.

• 24/11/2022 – პრეზიდენტი „ყურადღებით“ აკვირდება მიხეილ სააკაშვილის ჯანმრთელობის შესახებ ცნობებს

შესაბამისად, არასამთავრობო ორგანიზაციები მოუწოდებენ ხელისუფლებას, რომ მიხეილ სააკაშვილის მკურნალობის, მათ შორის, საზღვარგარეთ გადაყვანის საჭიროების საკითხზე მსჯელობისას „არა პოლიტიკური კონიუნქტურის“, არამედ ექსპერთა რეკომენდაციებით იხელმძღვანელოს, „რათა სრულად გამოირიცხოს ჯანმრთელობის შემდგომი დამძიმებისა და სიცოცხლის ხელყოფის რისკები“.

ასევე წაიკითხეთ:

• 07/05/2022 – მხარდამჭერები სააკაშვილის საზღვარგარეთ გადაყვანას ითხოვენ, ხელისუფლება უარს ამბობს 

This post is also available in: English (ინგლისური) Русский (რუსული)