ანა დოლიძე-ხალხისთვის პროპორციული სია თბილისის საკრებულოში

ცენტრალურმა საარჩევნო კომისიამ 2 ოქტომბრის ადგილობრივი თვითმმართველობის არჩევნებისთვის, დედაქალაქის საკრებულოს პროპორციული პარტიული სიები გამოაქვეყნა. საერთო ჯამში კანდიდატების სია 31 პარტიამ წარადგინა.

ქვემოთ დედაქალაქის საკრებულოსთვის ანა დოლიძე – ხალხისთვის მიერ რეგისტრირებული პროპორციული სიის პირველი 10 კანდიდატია წარმოდგენილი, რომელთა შორის 6 ქალია, 4 კი – მამაკაცი:

• ალექსანდრე რატიშვილი;
• ნინო წულაძე;
• ანა მიქაძე-ჩიკვაიძე;
• თამარ ჭიჭინაძე;
• ირაკლი თედორაძე;
• კობა კობახიძე;
• ნინო ქოქოსაძე;
• მაია კეკუა;
• მიშიკო ირემაძე;
• ნინო კობახიძე;

პარლამენტის მიერ ახლახან მიღებული საარჩევნო კოდექსის მიხედვით, რომელიც ევროკავშირის შუამავლობით 19 აპრილს მიღწეული შეთანხმების საფუძველზე შემუშავდა, დედაქალაქის საკრებულოს 50 წევრიდან მოქალაქეები 40-ს პროპორციული, 10-ს კი -მაჟორიტარული წესით აირჩევენ. მანამდე ეს პროპორცია 25/25-ზე იყო.

ხალხისთვის პარტიის ლიდერი, ანა დოლიძე თბილისის მერობისთვის იბრძვის. 2020 წლის საპარლამენტო არჩევნებში იგი თბილისის დიდუბე-ჩუღურეთის მაჟორიტარულ ოლქში მაჟორიტარ კანდიდატად იყო წარდგენილი და ხმათა 17.95% აიღო.

This post is also available in: English (ინგლისური) Русский (რუსული)