ლელოს თბილისის საკრებულოს პროპორციული სია 

ცენტრალურმა საარჩევნო კომისიამ 2 ოქტომბრის ადგილობრივი თვითმმართველობის არჩევნებისთვის, დედაქალაქის საკრებულოს პროპორციული პარტიული სიები გამოაქვეყნა. საერთო ჯამში კანდიდატების სია 31 პარტიამ წარადგინა.

ქვემოთ დედაქალაქის საკრებულოსთვის ლელოს მიერ რეგისტრირებული პროპორციული სიის პირველი 10 კანდიდატია წარმოდგენილი, რომელთაგან 3 ქალია, 7 კი – მამაკაცი:

• ბადრი ჯაფარიძე -საკრებულოს თავმჯდომარეობის კანდიდატი
• საბა ბუაძე;
• მედეა მეტრეველი;
• თამაზ დათუნაშვილი;
• ვახტანგ სურგულაძე;
• ლანა გალდავა;
• ნიკოლოზ ჩერქეზიშვილი;
• დიმიტრი აბაშიძე;
• გულო ზუმბაძე;
• კახაბერ ჟღენტი.

პარლამენტის მიერ ახლახან მიღებული საარჩევნო კოდექსის მიხედვით, რომელიც ევროკავშირის შუამავლობით 19 აპრილს მიღწეული შეთანხმების საფუძველზე შემუშავდა, დედაქალაქის საკრებულოს 50 წევრიდან მოქალაქეები 40-ს პროპორციული, 10-ს კი -მაჟორიტარული წესით აირჩევენ. მანამდე ეს პროპორცია 25/25-ზე იყო.

2021 წლის 2 ოქტომბრის არჩევნები ლელოსთვის პირველი თვითმმართველობის არჩევნებია, რომელშიც ის მონაწილეობს. პარტიამ თბილისის მერობის კანდიდატად ურბანისტი და არქეოლოგი ანა ბიბილაშვილი წარადგინა.

This post is also available in: English (ინგლისური) Русский (რუსული)