ევროკავშირი-საქართველოს ურთიერთობებში წამყვანი ევროპარლამენტარები უგულავას წინააღმდეგ განაჩენს აფასებენ 

ევროკავშირი-საქართველოს ურთიერთობებში წამყვანმა ევროპარლამენტარებმა ევროპული საქართველოს ერთ-ერთი ლიდერის გიგი უგულავას საქმეზე უზენაესი სასამართლოს გადაწყვეტილების შესახებ განცხადება გამოაქვეყნეს და აღნიშნეს, რომ ის „გადაწყვეტილების პროცედურების, დროისა და მოტივაციის თაობაზე კითხვებს აღძრავს“.

განცხადებას ხელს აწერენ ევროპარლამენტის საგარეო საქმეთა კომიტეტის თავმჯდომარე დევიდ მაკალისტერი, ევროკავშირი-საქართველოს საპარლამენტო ასოცირების კომიტეტის დელეგაციის ხელმძღვანელი მარინა კალიურანდი და საგარეო საქმეთა კომიტეტის მუდმივი მომხსენებელი საქართველოს შესახებ სვენ მიკსერი.

• ევროპარლამენტარები საქართველოს მთავრობას უგულავას განაჩენის გამო აკრიტიკებენ
• ევროკავშირი „დეტალურად ეცნობა“ უგულავას მიმართ უზენაესი სასამართლოს გადაწყვეტილებას

„დამოუკიდებელი და მიუკერძოებელი სასამარათლო სისტემა, რომელიც საზოგადოების ნდობით სარგებლობს, ნებისმიერი დემოკრატიის მნიშვნელოვანი საყრდენია. ის ასევე საქართველოს მიერ ასოცირების შეთანხმებით აღებული ვალდებულებების ნაწილია“, – განაცხადეს ევროპარლამენტარებმა და დასძინეს, რომ „ეს კიდევ უფრო ზრდის დაძაბულობას ისედაც რთულ პოლიტიკურ გარემოში საქართველოში“.

მათი თქმით, „საპარლამენტო უმრავლესობასა და ოპოზიციას შორის დიალოგის გაგრძელება უმნიშვნელოვანესია საარჩევნო რეფორმაზე კონსენსუსის მისაღწევად, რაც ყველაზე უკეთესად ასახავს ქართველი ხალხის ნებას“. „კვლავაც გვექნება მჭიდრო კონტაქტები ჩვენს პარტნიორებთან საქართველოს პარლამენტში, დემოკრატიისთვის ასეთ გადამწყვეტ მომენტში“, – დასძენენ ისინი.

• უგულავასთვის პატიმრობის შეფარდების გამო ოპოზიცია მმართველ გუნდთან დიალოგს წყვეტს
• ოპოზიცია აპრილში საპროტესტო აქციას გეგმავს, სადაც ერთიან საარჩევნო გეგმას წარადგენს

This post is also available in: English (ინგლისური) Русский (რუსული)