Placeholder canvas
ახალი ამბები

სუს-ის უფროსის მოადგილედ გიგა ნიკოლეიშვილი დაინიშნა

სახელმწიფო უსაფრთხოების სამსახურის უფროსის მოადგილედ გიგა ნიკოლეიშვილი დაინიშნა. შესაბამის ბრძანებას ხელი პრემიერ-მინისტრმა გიორგი გახარიამ მოაწერა.

გიგა ნიკოლეიშვილი 2017-2019 წლებში, შინაგან საქმეთა სამინისტროს დაცვის პოლიციის დეპარტამენტს ხელმძღვანელობდა, 2016-2017 წლებში კი – ქალაქ თბილისის მერის მოადგილე იყო.

უახლოეს მომავალში სახელმწიფო უსაფრთხოების სამსახურს ახალი ხელმძღვანელიც ეყოლება. ამ პოსტზე 7 ოქტომბერს მთავრობამ პარლამენტს დასამტკიცებლად  უწყების უფროსის მოვალეობის შემსრულებელი, გრიგოლ ლილუაშვილი წარუდგინა

პარლამენტი საკითხს სავარაუდოდ მომავალ კვირაში განიხილავს. დეპუტატების მხრიდან ნდობის გამოცხადების შემთხვევაში, გრიგოლ ლილუაშვილი სუს-ის ხელმძღვანელის პოსტს 6 წლის ვადით დაიკავებს.

სუს-ის უფროსის თანამდებობა ვაკანტური 8 სექტემბერს მას შემდეგ გახდა, რაც უწყების უკვე ყოფილი ხელმძღვანელი ვახტანგ გომელაური შს მინისტრად დაინიშნა.

ასევე ნახეთ:

This post is also available in: English (ინგლისური) Русский (რუსული)

მსგავსი/Related

Back to top button