არჩევნები 2018ახალი ამბები

სამართლიანი არჩევნები: ხმების პარალელური დათვლის შედეგები

Tags

სამართლიანი არჩევნების და დემოკრატიის საერთაშორისო საზოგადოებამ (ISFED) ხმების პარალელური დათვლის შედეგები გამოაქვეყნა.

ხმის დათვლის პროცესი პროცედურების დაცვით მიმდინარეობა

სადამკვირვებლო ორგანიზაციამ განაცხადა, რომ ხმის დათვლის პროცესი უმეტესწილად პროცედურების დაცვით მიმდინარეობდა, თუმცა რიგი დარღვევები დაფიქსირდა, როგორიცაა შემაჯამებელი ოქმის არასათანადოდ შედგენა, დამკვირვებლის უფლებების შეზღუდვა, ბიულეტენებისა და ხელმოწერების რაოდენობას შორის დისბალანსი, დოკუმენტების დალუქვის წესის დარღვევა, ბიულეტენების არასწორად გაბათილება. ამ დროისთვის სამართლიან არჩევნებს 73 საჩივარი აქვს წარდგენილი საუბნო კომისიებში, ხოლო 82 საოლქო საარჩევნო კომისიებში.

PVT დაკვირვების შედეგები

სამართლიანი არჩევნების ინფორმაციით, ამომრჩეველთა აქტივობამ 46.6% შეადგინა (ცესკო – 46.74%). PVT-ის მონაცემებით, წამყვანი კანდიდატების ხმები შემდეგნაირად გადანაწილდა:

სალომე ზურაბიშვილი -37.6% (მინ. 36.7%, მაქს. 38.5%). ცესკო-ს მაჩვენებელი ამ დროისთვის (99.5% უბნის დათვლის შედეგად) 38.66%-ს შეადგენს;

გრიგოლ ვაშაძე – 38.5% (მინ. 37.5%, მაქს. 39.5%). ცესკო-ს მაჩვენებელი ამ დროისთვის – 37.7%;

დავით ბაქრაძე – 11% (მინ. 10.5%, მაქს. 11.5%). ცესკო-ს მაჩვენებელი ამ დროისთვის – 10.97%.

PVT-ის მონაცემებით, მიცემული ხმების 3.2% ბათილად გამოცხადდა, რაც საკმაოდ აღემატება 2013 წლის არჩევნების მონაცემს (1.8%).

„სამართლიან არჩევნებს“ ქვეყნის მასშტაბით 800 დამკვირვებელი ჰყავს, რომლებიც 73 საოლქო კომისიაში და 78 მობილურ ჯგუფში არიან მივლინებულნი. ორგანიზაციის 15 ოპერატორი და 10 იურისტი პოტენციურ დარღვევებს და ინციდენტებს აანალიზებს და აგვარებს. „სამართლიანი არჩევნები“ ცესკოს შედეგების გადამოწმების გზით, ხმების პარალელურ დათვლასაც ახორციელებს.

This post is also available in: English (ინგლისური) Русский (რუსული)

მსგავსი/Related

Back to top button