სოხუმი გმობს გადაწყვეტილებას აფხაზეთის ლეგიტიმური მთავრობის კოდორში განთავსების თაობაზე
როგორც მოსალოდნელი იყო, აფხაზეთის თვითგამოცხადებული რესპუბლიკის ხელისუფლებამ დაგმო თბილისის გადაწყვეტილება აფხაზეთის ლეგიტიმური მთავრობის ზემო კოდორის ხეობაში განთავსების თაობაზე და განაცხადა, რომ ყველა ღონეს იხმარს ამის თავიდან ასაცილებლად.
“[დე ფაქტო] პრეზიდენტთან [სერგეი ბაღაფშთან] შეხვედრაზე ჩვენ მოვამზადეთ სპეციალური განცხადება, რომელშიც ნათქვამია, რომ ჩვენ ვიტოვებთ უფლებას განვახორციელოთ ნებისმიერ ქმედება, რათა თავიდან ავიცილოთ თბილისის ეს გადაწყვეტილება “აფხაზეთის ე.წ. ლეგიტიმური მთავრობის“ კოდორში განთავსების თაობაზე“, – განუცხადა აფხაზეთის დე ფაქტო საგარეო საქმეთა მინისტრმა სერგეი შამბამ “ინტერფაქსს“.
აფხაზეთის სეპარატისტული ხელისუფლება დიდი ხანია მოითხოვს თბილისისგან დაითხოვოს “ე.წ. აფხაზეთის ლეგიტიმური მთავრობა“.
This post is also available in: English Русский