სააკაშვილმა სენაკში მშენებარე სამხედრო ბაზა მოინახულა

დღეს პრეზიდენტმა მიხეილ სააკაშვილმა სენაკის რაიონში მშენებარე სამხედრო ბაზა მოინახულა, რომლის გასხნაც 23 ნოემბერს, “ვარდების რევოლუციის“ 2 წლის თავზე იგეგმება.

“ეს სამხრეთ კავკასიაში ყველაზე თანამედროვე ბაზაა, რომლის მშენებლობაც სტიქიური უბედურების მიუხედავად არ უნდა შეჩერდეს“, – გაუცხადა მიხეილ სააკაშვილმა 8 ოქტომბერს ჟურნალისტებს.

თავდაცვის სამინისტროს ინიციატივით სენაკში ევროსტანდარტების შესაბამისი ახალი სამხედრო ბაზის მშენებლობა მიმდინარე წლის აპრილში დაიწყო. მშენებლობაზე საქართველოს ბიუჯეტიდან 9 მლნ აშშ დოლარი გამოიყო. ახალი სამხედრო ბაზა დაახლოებით 2-3 ათასს ჯარისკაცზეა გათვლილი.

This post is also available in: English Русский