ევროპელი დეპუტატები: ევროკავშირი ვერ ცნობს 26 ოქტომბრის არჩევნების შედეგებს

საქართველოს საპარლამენტო არჩევნებიდან ერთი დღის შემდეგ, სადაც ცენტრალურმა საარჩევნო კომისიამ „ქართული ოცნება“ გამარჯვებულად გამოაცხადა, მაღალი რანგის ევროპელმა დეპუტატებმა კანადელ კოლეგასთან ერთად ერთობლივი განცხადება გამოაქვეყნეს, სადაც ნათქვამია, რომ „არჩევნები არც თავისუფალი იყო და არც სამართლიანი“ და რომ „ევროკავშირს ამ შედეგს ვერ აღიარებს“. დეპუტატები სანქციების დაწესებას მოითხოვენ იმ პირების მიმართ, „ვინც ოპოზიციისა და სამოქალაქო საზოგადოების მიმართ უსამართლო ზემოქმედებაზე, დაშინებასა და მუქარაზეა პასუხისმგებელი“.

განცხადების დასაწყისში ევროპელი პარლამენტარები სოლიდარობის უცხადებენ „ბევრ ერთგულ ევროპელს საქართველოში“, რომლებიც იზიარებენ თავისუფლების, დემოკრატიისა და კანონის უზენაესობის ევროპულ ღირებულებებს. „ჩვენ დარწმუნებულნი ვართ, რომ საქართველო იმსახურებს ადგილს ერთიანი ევროპის გულში“, – ნათქვამია განცხადებაში.

„მაგრამ ეს არჩევნები არც თავისუფალი იყო და არც სამართლიანი“, – ნათქვამია განცხადებაში. „წინასაარჩევნო პოლიტიკური გარემო შეუთავსებელი იყო სამართლიანობის ევროპულ სტანდარტებთან“, ნათქვამია განცხადებაში და მაგალითად კანდიდატების დაშინება და მუქარა, სახელმწიფო ძალაუფლების ბოროტად გამოყენება და ხმების მოსყიდვაა მოყვანილი.

„ეს არჩევნები ეხებოდა ევროპას ან იზოლაციას, დემოკრატიას თუ ავტორიტარიზმს, თავისუფლებას თუ რუსიფიკაციას“, – ნათქვამია განცხადებაში. „საარჩევნო კამპანიის დროს საკმარისად ნათელი არ გახდა, რომ მმართველი პარტიისა და მისი პოლიტიკის პირობებში ევროკავშირთან დაახლოება შეუძლებელია“.

დეპუტატების თქმით, „ქართული ოცნების“ პოლიტიკა „უბრალოდ შეუთავსებელია“ ევროკავშირთან. ხოლო რაც შეეხება ნარატივს „გლობალური ომის პარტიის“ შესახებ, არსებობს მხოლოდ ერთი „გლობალური ომის პარტია“ და „თქვენ მას სახელი უნდა დაარქვათ. მისი სახელია რუსეთია“.

„ამ ფონზე ევროკავშირი ვერ ცნობს არჩევნების შედეგს“, – ნათქვამია განცხადებაში.

განცხადებაში ნათქვამია, რომ იმედგაცრუება მასიურია, მაგრამ ამის მიუხედავად, ხაზგასმულია: „ახლა არ უნდა მივატოვოთ საზოგადოების პროევროპული ნაწილი“, არამედ უნდა გავაძლიეროთ სამოქალაქო საზოგადოების გაცვლა. აღსანიშნავია, რომ ისინი უარს ამბობენ მთლიანად ერის დასჯაზე, როგორიცაა საქართველოსთან ვიზალიბერალიზაციის რეჟიმის გაუქმება. „თუმცა, ჩვენ გვეშინია კარგად განათლებული, პროევროპელი ახალგაზრდების ქვეყნიდან გადინების. მართალია, ჩვენ გელით ევროკავშირში, ეს იქნება ტრაგედია საქართველოს ევროპული ორიენტაციისთვის“, – ნათქვამია განცხადებაში.

პარლამენტარები შეშფოთებას გამოხატავენ საქართველოს „ბელარუსიფიკაციის“ გამო და აცხადებენ, რომ თუ „ქართული ოცნება“ საკუთარ დაპირებებს შეასრულებს, არსებობს ხელისუფლების კრიტიკოსების, მათ შორის პოლიტიკოსების, მედიისა და სამოქალაქო საზოგადოების დევნისა და აკრძალვის საფრთხე. „ევროკავშირმა ნათლად უნდა განუცხადოს მმართველ პარტიას, რომ ის ამას არ მიიღებს და ამ შემთხვევაში ურთიერთობების სრული შეწყვეტა მოხდება“, – ნათქვამია განცხადებაში.

განცხადების დასასრულს, ისინი კიდევ ერთხელ გამოხატავენ „მტკიცე მხარდაჭერას“ პრეზიდენტ სალომე ზურაბიშვილის ძალისხმევის მიმართ „გააერთიანოს ქვეყანა, დაიცვას დემოკრატია, თავისუფლება და კანონის უზენაესობა და საქართველოს ევროპული მომავალი შეინარჩუნოს და დაიცვას“.

მასალა განახლდება…

ასევე წაიკითხეთ:

• 27/10/2024 – „ჩემი ხმა“ გაყალბების „კომპლექსურ სქემაზე“ საუბრობს
• 26/10/2024 – ეგზიტპოლებმა ურთიერთსაწინააღმდეგო შედეგები აჩვენა

This post is also available in: English (ინგლისური) Русский (რუსული)