მმართველმა უმრავლესობამ მეორე მოსმენით ჩააგდო „უცხოეთის აგენტებზე“ კანონპოექტი

საზოგადოებრივი პროტესტის ფონზე, მმართველმა უმრავლესობამ დაპირებისამებრ მეორე მოსმენით ჩააგდო მისივე ინიცირებული „უცხოური გავლენის გამჭვირვალობის შესახებ“ რუსული ტიპის კანონპროექტი. მის წინააღმდეგ ხმა 35-მა დეპუტატმა მისცა. მომხრე მხოლოდ 1 იყო.

კანონპროექტის დღევანდელ კენჭისყრას 115 დეპუტატი ესწრებოდა. მათგან 79-მა ხმის მიცემის პროცესში მონაწილეობა საერთოდ არ მიიღო. კანონპროექტის წინააღმდეგ ხმა „ენმ-ძალა-ერთობაშიას“, „ლელოს“, „რეფორმების ჯგუფის“, „გირჩის“, „მოქალაქეებისა“ და უფრაქციო დეპუტატებმა მისცეს, „ქართული ოცნების“ დეპუტატები კი – სხდომას ან საერთოდ არ ესწრებოდნენ ან კენჭისყრაში არ მონაწილეობდნენ. კანონპროქტს მხარი მხოლოდ „ქართული ოცნების“ დეპუტატმა , დიმიტრი სამხარაძემ დაუჭირა, მოგვიანებით მან თქვა, რომ ტექნიკური შეცდომა იყო და კანონის პროექტისთვის მხარი არ დაუჭერია.

ქვემოთ კანონპროექტის მომხრე საპარლამენტო უმრავლესობის დეპუტატების მიერ კანონპროექტის პირველ და მოეორე მოსმენაზე გამოხატული პოზიციებია მოცემული:

ასევე წაიკითხეთ:

• 09/03/2023 – მმართველი უმრავლესობა ამბობს, რომ„აგენტებზე“ კანონპროექტს გაიწვევს
• 07/03/2023 – „ქართულმა ოცნებამ“ პირველი მოსმენით მიიღო „უცხოეთის აგენტებზე“ ერთი კანონპროექტი

This post is also available in: English (ინგლისური) Русский (რუსული)