მთავარი სირთულეები წინ არის – მიმართა პრეზიდენტმა ჯარს

პრეზიდენტი სააკაშვილი 16 ივლისს მიესალმა საქართველოს სანაპირო დაცვის მესაზღვრეებს და მიმართა, რომ მათი სამსახური “უფრო საჭირო გახდება მომავალში“. მან ამის შესახებ განცხადება ფოთში სასაზღვრო პოლიციის სანაპირო დაცვის 8 წლის საიუბილეო ღონისძიებაზე გააკეთა.

ბოლო პერიოდში ეს უკვე მეორე შემთხვევაა, როცა მიხეილ სააკაშვილი ამ ტიპის განცხადებას აკეთებს.

ორფოლოს პოლიგონზე 8 ათასი ჯარისკაცისადმი მიმართვაში 15 ივლისს პრეზიდენტმა განაცხადა, რომ “მთავარი სირთულეები ჯერ წინ არის, მთავარი საფრთხეები წინ არის და თქვენი ძალის გამოყენება შეიძლება მომავალში საჭირო გახდეს“.

This post is also available in: English (ინგლისური) Русский (რუსული)