რუსეთს ახალქალაქის ბაზიდან საარტილერიო სისტემები გააქვს

რუსული სამხედრო ტექნიკით დატვირთულმა ვაგონებმა დღეს წალკის ტერიტორია დატოვეს. ამჯერად ეშელონი 15 თვითმავალი საარტილერიო დანადგარით (2F3) იყო დატვირთული, იტყობინება საქართველოს თავდაცვის სამინისტრო.

წალკიდან გასული ეშელონი აზერბაიჯანის გავლით რუსეთში გაემგზავრება.

რუსეთ-საქართველოს შორის მიღწეული შეთანხმების თანახმად, ახალქალაქის სამხედრო ბაზიდან რუსული ტექნიკის და შეიარაღების გატანა 2007 წლის 31 დეკემბერს უნდა დასრულდეს.

This post is also available in: English Русский