რუსი დეპუტატები თბილისში ჩამოდიან

დღეს თბილისს რუსეთის სათათბიროს დეპუტატთა სამკაციანი დელეგაცია დსთ-ს საკითხთა კომიტეტის თავმჯდომარის მოადგილის ახმედ ბილალოვი  ხელმძღვანელობით ეწვევა.

პარლამენტის პრესსამსახურის ცნობით, რუსი დეპუტატები შეხვედრებს გამართავენ  პარლამენტის თავმჯდომარესთან ნინო ბურჯანაძესთან, ვიცე-სპიკერთან მიხეილ მაჭავარიანთან, ასევე საგარეო საქმეთა და თავდაცვისა და უშიშროების კომიტეტების თავმჯდომარეებთან.

დელკეგაცია ასევე შეხვდება აღმასრულებელი ხელისუფლების წარმომადგენლებსაც – კონფლიქტების მოგვარების საკითხებში სახელმწიფო მინისტრს გიორგი ხაინდრავას და საგარეო საქმეთა მინისტრის მოადგილეს მერაბ ანთაძეს.

რუსეთის სათათბიროს დელეგაციის სამდღიანი ვიზიტი, რომლის დროსაც ორ ქვეყანას შორის გართულებული ურთიერთობები განიხილება, 8 ივნისს დასრულდება.  

This post is also available in: English (ინგლისური) Русский (რუსული)