ახალი ამბები
საქართველოში ნატოს წევრის ქვეყნების ელჩებთან IPAP-ის შესრულება განიხილეს
დღეს საქართველოს საგარეო საქმეთა სამინისტროში საგარეო საქმეთა მინისტრმა გელა ბეჟუაშვილმა, თავდაცვის მინისტრმა ირაკლი ოქრუაშვილმა და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა გიორგი ბარამიძემ შეხვედრა გამართეს საქართველოში აკრედიტებულ ნატო-ს წევრ სახელმწიფოთა ელჩებთან.
შეხვედრაზე განიხილეს ინდივიდუალური პარტნიორობის სამოქმედო გეგმის (IPAP) იმპლემენტაციის პროცესში მიღწეული პროგრესი და თანამშრომლობის შემდგომი პერსპექტივები.
საგარეო უწყების ცნობით, 3 აპრილს ჩრდილოატლანტიკურმა საბჭომ დაამტკიცა საქართველოს ინდივიდუალური პარტნიორობის სამოქმედო გეგმის იმპლემენტაციის შეფასების ანგარიში. 13 აპრილს კი ბრიუსელში, 26+1 სხდომის ფორმატში გაიმართება აღნიშნული დოკუმენტის განხილვა.