ყოფილი გავლენიანი გუბერნატორი თაღლითობისთვის იძებნება

(თბილისი, 6 დეკემბერი, 2003, სივილ ჯორჯია) – ლევან მამალაძე, ექსპრეზიდენტ შევარდნაძის ერთ-ერთი უახლოესი მოკავშირე და ქვემო ქართლის რეგიონის ყოფილი გუბერნატორი, საქართველოს სამართალდამცავი სტრუქტურების მიერ იძებნება დაკითხვის მიზნით.

გენერალურმა პროკურორმა ნუგზარ გაბრიჩიძემ 5 დეკემბერს გამართულ ბრიფინგზე განაცხადა, რომ ლევან მამალაძეს შპს “კვარციტის” 27 კილოგრამი ოქროს მითვისებაში ედება ბრალი.

მას ასევე სახელმწიფო ფონდების უკანონო გადარიცხვებში ედება ბრალი.

არსებული ინფორმაციით, მამალაძე ამჟამად მოსკოვში იმყოფება. 

This post is also available in: English (ინგლისური) Русский (რუსული)