ბურჯანაძე “კავკასიის ოთხეულის” შეხვედრაში მიიღებს მონაწილეობას

(თბილისი, 29 სექტემბერი, 2003, სივილ ჯორჯია) – პარლამენტის თავჯდომარე ნინო ბურჯანაძე გუშინ მოსკოვში გაემგზავრა, სადაც იგი “კავკასიის ოთხეულის” პარლამენტის თავჯდომარეთა შეხვედრაში მიიღებს მონაწილეობას, რომელიც 29-30 სექტემბერს გაიმართება.

შეხვედრაში მონაწილეობას მიიღებენ რუსეთის ფედერაციის საბჭოს თავჯდომარე სერგეი მირონოვი, სომხეთის პარლამენტის სპიკერი არტურ ბაგდასარიანი და აზერბაიჯანის პარლამენტის თავჯდომარე მურთუზ ალესკეროვი.

შეხვედრის მონაწილენი, სავარაუდოდ, რეგიონალური კონფლიქტების პრობლემებს განიხილავენ.

This post is also available in: English (ინგლისური) Русский (რუსული)