ოპოზიციური პარტიები წინასაარჩევნო კამპანიას იწყებენ

(თბილისი, 27 ივნისი , 2003, სივილ ჯორჯია) – “ახალმა მემარჯვენეებმა” დღეს თბილისის ოპერისა და ბალეტის აკადემიურ თეატრში ყრილობა ჩაატარეს, სადაც თავიანთი წინასაარჩევნო კამპანიის დაწყების შესახებ ოფიციალურად გამოაცხადეს.

ტერიტორიული მთლიანობის აღდგენა, სოციალური და უსაფრთხოების პრობლემები – “ახალი მემარჯვენეების” წინასაარჩევნო პროგრამის ძირითად საკითხებს წარმოადგენენ.

“ჩვენ 900 დღე გვჭირდება, რათა ამომრჩევლებს კონკრეტული შედეგები წარვუდგინოთ”, – განაცხადა პარტიის ერთ-ერთმა ლიდერმა დავით გამყრელიძემ.

პარტიის ყრილობამ გამყრელიძე საარჩევნო შტაბის უფროსად აირჩია.

ოპოზიციურმა “ნაციონალურმა მოძრაობამ” 26 ივნისს განაცხადა საარჩევნო კამპანიის დაწყების შესახებ. პარტიის საარჩევნო პროგრამა სოციალური საკითხებისკენაა მიმართული.

This post is also available in: English (ინგლისური) Русский (რუსული)