ახალი ამბები
საზღვრის დაცვის დეპარტამენტის დელეგაციის ვიზიტი ჩინეთში
(თბილისი, 29 ივნისი, “სივილ ჯორჯია”) – საქართველოს საზღვრის დაცვის დეპარტამენტის დელეგაცია, რომელსაც დეპარტამენტის ხელმძღვანელი ვალერი ჩხეიძე უძღვება, 28 ივნისიდან 6 ივლისამდე ჩინეთში ვიზიტით იმყოფება.
ვალერი ჩხეიძე და მისი ჩინელი კოლეგა 1 ივლისს ხელს მოაწერენ შეთანხმებას ორი ქვეყნის საზღვრის დაცვის უწყებების თანამშრომლობის შესახებ.
ვიზიტისას ასევე განიხილება ჩინური მხარის მიერ საქართველოს საზღვრის დაცვის დეპარტამენტისთვის დახმარების გაწევის საკითხი.