საქსტატი: ოქტომბერში საქართველოს მშპ 6.2%-ით გაიზარდა

საქართველოს სტატისტიკის ეროვნული სამსახურის (საქსტატი) მიერ 30 ნოემბერს გამოქვეყნებული წინასწარი მონაცემებით, 2023 წლის ოქტომბერში წინა წლის შესაბამის პერიოდთან შედარებით, ქვეყნის რეალური მთლიანი შიდა პროდუქტი (მშპ) 6.2%-ით გაიზარდა.

საანგარიშო პერიოდში, ზრდის მიმართულებით მნიშვნელოვანი წვლილი შეიტანა შემდეგმა დარგებმა: საფინანსო და სადაზღვევო საქმიანობა, საბითუმო და საცალო ვაჭრობა; ავტომობილების და მოტოციკლების რემონტი, ტრანსპორტი და დასაწყობება.

კლების ტენდენცია დაფიქსირდა დამამუშავებელი მრეწველობის და უძრავ ქონებასთან დაკავშირებული საქმიანობების სფეროში.

„საქსტატის“ ინფორმაციით, 2023 წლის პირველ ათ თვეში მშპ-ის ზრდის საშუალო მაჩვენებელი 6.9%-ით განისაზღვრა.

ასევე წაიკითხეთ:

• 31/10/2023 – საქსტატი: სექტემბერში საქართველოს მშპ 5.1%-ით გაიზარდა
• 29/09/2023 – საქსტატი: აგვისტოში საქართველოს მშპ 5.8%-ით გაიზარდა
• 18/09/2023 – საქსტატი: 2023 წლის მეორე კვარტალში საქართველოს მშპ 7.5%-ით გაიზარდა
• 31/08/2023 – საქსტატი: ივლისში საქართველოს მშპ 5.5%-ით გაიზარდა