იუსტიციის მინისტრი ელექტროენერგიის ტარიფის გაზრდის წინააღმდეგ გამოდის

(თბილისი, 13 აგვისტო , 2003, სივილ ჯორჯია) – იუსტიციის მინისტრმა როლანდ გილიგაშვილმა 13 აგვისტოს გამართულ მთავრობის სხდომაზე განაცხადა, რომ ენერგეტიკის მარეგულირებელი ეროვნული კომისიის გადაწყვეტილება ელექტროენერგიის ტარიფის გაზრდის თაობაზე უსაფუძვლოა.

ენერგეტიკის მარეგულირებელმა კომისიამ წინადადება ელექტროენერგიის ტარიფის გაზრდის თაობაზე 8 აგვისტოს იუსტიციის სამინისტროს წარუდგინა განსახილველად. ელექტროენერგიის ტარიფის გაზრდა სავალუტო ფონდის ერთ-ერთი რეკომენდაციაა.

“საკონსტიტუციო სასამართლოს მიერ გასული წლის დეკემბერში მიღებული გადაწყვეტილების თანახმად, ელექტროენერგიის ტარიფის გაზრდა უკაკონოა, ამიტომ ჩვენ მხედველობაში უნდა მივიღოთ ეს გადაწყვეტილება”, – განაცხადა გილიგაშვილმა.  

მინისტრის განცხადებას სახელმწიფო მინისტრის ავთანდილ ჯორბენაძის პროტესტი მოჰყვა. “გარკვეული პოლიტიკური ძალების მიერ ჩატარებული საპროტესტო აქციები არ უნდა ახდენდნენ ზეგავლენას მთავრობაზე”, – განაცხადა ჯორბენაძემ. მას მხედველობაში ჰქონდა ლეიბორისტული პარტიისა და ერთიანი ნაციონალური მოძრაობის მიერ 11 აგვისტოს ჩატარებული საპროტესტო აქცია, როდესაც ეს ოპოზიციური პარტიები ელექტროენერგიის ტარიფის გაზრდის წინააღმდეგ გამოვიდნენ.

This post is also available in: English (ინგლისური) Русский (რუსული)